ცეცხლის ახალი კერები დაბის გზაზე- ხანძარი დასახლებულ პუნქტთან 100 მეტრშია, ადგილობრივები შველას ითხოვენ

ბორჯომის ხეობაში ხანძრის ახალი კერები გაჩნდა.როგორც "ოდიშინიუსს" ბორჯომის ტელეკომპანიის ჟურნალისტმა განუცხადა , მდგომარეობას ართულებს მეტეოროლოგიური პირობები,კერძოდ ძლიერი ქარი და მაღალი ტემპერატურა."იმატა დაკვამლიანებამ.ადგილზე მცირე შესვენების შემდეგ მუშაობა განაახლა ავიაციამ. რთული ვითარებაა სოფელ დაბაში,მოსახლეობის განცხადებით ხანძარი მათ საცხოვრებელ სახლებს უახლოვდება,დამწვარია ხეხილის ბაღები.ადგილობრივები დახმარებას ითხოვენ.სახანძრო თვითმფრინავი თურქეთიდან ბორჯომში დღის ბოლოს ჩამოფრინდება.ტყის მასივში ხანძრის ლოკალიზების პროცესში, ამ დროისთვის, 3 ვერტმფრენი, 400-მდე მეხანძრე-მაშველი, 100-ზე მეტი ტყის მცველი, შსს-ს განსაკუთრებულ დავალებათა დეპარტამენტის 500 თანამშრომელი და ათეულობით მძიმე ტექნიკაა ჩართული, რომელთა მობილიზებაც საქართველოს სხვადასხვა რეგიონიდან განხორციელდა." ეკატერინე ნოზაძის ინფორმაციით, რომელიც 2 დღეა შემთხვევის ადგილზე მუშაობს, "დაბა წაღვერის გზაზე ცეცხლმა ტრასამდე ჩამოაღწია , ამ წუთებში ძლიერი დაკვამლიანებაა ბაკურიანშიც, რის გამოც საბაგირო გზის მუშაობა ცალმხრივად შეწყდა. დიდველის საბაგირო გზასთან ცოტა ხნის წინ ევაკუაცია გამოცხადდა. ბოლო ინფორმაციით, კოხტაგორადან დამსვენებლები დაბაში ჩამოჰყავთ. საბაგიროს ზედა სადგურებიდან დაბა ბაკურიანამდე დამსვენებლები ჩამოჰყავს."- აცხადებს ეკატერინე ნოზაძე.

ცეცხლის ახალი კერები დაბის გზაზე- ხანძარი დასახლებულ პუნქტთან 100 მეტრშია, ადგილობრივები შველას ითხოვენ

სიახლეები

ავსტრიამ ოთხი რუსი დიპლომატი გააძევა

The Economist: ტრამპის 28-პუნქტიანი სამშვიდობო გეგმა საშიშია უკრაინისთვის, ევროპისა და აშშ-ისთვის

ეკონომიკის მინისტრის ყოფილ მოადგილეს, რომეო მიქაუტაძეს საპროცესო შეთანხმება გაუფორმდა