ვრცელდება ინფორმაცია, რომ დუშეთის მუნიციპალიტეტში, დაბა ჟინვალში ხანძარი გაჩნდა. ცეცხლი დაახლოებით ერთ ჰექტარ ფართობზე, ბალახებსა და ეკლიან ბარდებს უკიდია.
საქართველოს შინაგან საქმეთა სამინისტროს სსიპ საგანგებო სიტუაციების მართვის სააგენტოში განუცხადეს, ადგილზე 25 მეხანძრე-მაშველი მუშაობს.
მათივე ინფორმაციით, ხანძარი ამ დროისთვის უკვე ლოკალიზებულია და მისი ლიკვიდაცია მიმდინარეობს.
დღეს გავრცელდა ინფორმაცია, რომ იწვოდა წყალტუბოს პარკიც.
გუშინ კი ცეცხლი გაჩნდა უშუალოდ აშშ საელჩოს სიახლოვეს.