ერთიანმა ნაციონალურმა მოძრაობამ ბორჯომში ხანძარსაწინააღმდეგო სამუშაოებში მონაწილეობის მისაღებად 2000 მოხალისე შეკრიბა. ის ხელისუფლებას სპეციალური განცხადებით მიმართავს, რათა გაითვალისწინონ არსებული რესურსი.“შექმნილ კრიზისულ მდგომარეობაში ერთიანი ნაციონალური მოძრაობა მზადყოფნას გამოთქვამს ბორჯომის ხეობაში სამაშველო ღონისძიებაში ჩაერთოს. პარტიის მიერ მობილიზებულია 2000 მოხალისე.ვითვალისწინებთ რა ხელისუფლების განცხადებას, ხელი არ შეეშალოს სპეციალურ სამსახურებს სამაშველო ღონისძიებების გატარებაში, თავს ვიკავებთ დამოუკიდებელი ქმედებებისგან.მივმართავთ ხელისუფლებას საჭიროებისამებრ გაითვალისწინოს მოხალისეთა არსებული რესურსი“, – ნათქვამია განცხადებაში.სოფელ დაბასთან, 2008 წლის ნახანძრალ ტერიტორიაზე ხანძარი 20 აგვისტოს დღისით გაჩნდა. ცეცხლი 2014-2017 წლებში აღდგენილი ტერიტორიების ზემოთ არსებულ ფერდობზე იყო გავრცელებული. 21 აგვისტოს ცეცხლის ლოკალიზება მოხერხდა, თუმცა, ამოვარდნილი ქარის გამო ხანძრის ახალი კერები გაჩნდა.
ერთიანმა ნაციონალურმა მოძრაობამ ბორჯომში ხანძარსაწინააღმდეგო სამუშაოებში მონაწილეობის მისაღებად 2000 მოხალისე შეკრიბა
Published on