მთავარისიახლეებიექსკლუზივირამდენ ვერტმფრენს ფლობს ბიძინა ივანიშვილის ოჯახი და რატომ ძინავთ მათ პატრონთან ერთად...

რამდენ ვერტმფრენს ფლობს ბიძინა ივანიშვილის ოჯახი და რატომ ძინავთ მათ პატრონთან ერთად ანგარებში და ანგარებაში, როცა ქვეყანას ცეცხლი უკიდია ?

Published on

რამდენი ვერტმფრენის მფლობელია ბიძინა ივანიშვილი? ამ კითხვაზე ზუსტი პასუხის გაცემა ძნელია, რადგან იგი არც ქონებივი დეკლარაციის შევსებაში გამოირჩევა პატიოსნებით, რომ არაფერი ვთქვათ მის ერთობ ბუნდოვან თამაშებზე ოფშორულ ზონებში და, რა თქმა უნდა, საქართველოში. თუმცა ინფორმაცია, რომელიც შპს ,,ავიასერვისის'' სახელზე გაფორმებული მისი ვერტმფრენების არასრულ  ჩამონათვალს წარმოადგენს, სავსებით საკმარისია იმისათვის, რომ მიახლოებით მაინც წარმოვიდგინოთ მისი მფლობელის გულგრილობის ხარისხი ( საუკეთესო შემთხვევაში) ყოველივე იმის მიმართ, რაც ქვეყნის და თუნდაც ამაღამ წაღვერის ტყის თავს ხდება.
 
 
,,რა ბედი ეწია სახელმწიფოს საკუთრებაში არსებულ ვერტმფრენებს  – "სუპერ პუმებს?, როგორ მოხვდა ისინი ოლიგარქ ბიძინა ივანიშვილის განკარგულებაში? "– ეს კითხვა გამუდმებით და უპასუხოდ ტრიალებს ჰაერში მაშინ,  როცა სუპერპუმები, რომელთაც უნდა იტრიალონ ჰაერში წყალდიდობების, ხანძრების და სხვა სტიქური უბედურებებს დროს ,  კერძო პირის ანგარში დგანან . 
 
სუპერპუმებზე რომ არაფერი ვთქვათ, სად არის კომპანია შპს ,,ავიასერვისის’’ მფლობელობაში არსებული სხვა ვერტმფრენები, რატომ ხდება საჭირო ვერტმფრენების გამოძახება აზერბაიჯანიდან (და შესაძლოა თურქეთიდანაც) , როცა ივანიშვილი თავის ვერტმფრენებს ზოგავს და თითს არ ანძრევს ხანძრებისა და წყადიდობის მძევლად ქცეული მოსახლეობისა და ბუნებრივი რესურსების გადასარჩენად? 
 
როგორც ცნობილია კომპანია შპს ,,ავიასერვისის’’ აქციათა 40% ივანიშვილის ოჯახის საკუთრებაა (კომპანია ეწევა ვერტოდრომის ექსპლოატაციას ივანიშვილის რეზიდენციაში). ეს შპს წარმოადგენს  ბრიტანეთის ვირჯინიის კუნძულების ოფშორულ ზონაში 1998 წელს დარეგისტრირებული  კომპანია „ვენითი ოვერსიზ ლიმითედი“ (VANITY OVERSEAS LIMITED).–ის შვილობილ კომპანიას.  
საჯარო რეესტრის მონაცემებით (28.01.2013) შპს „ავისერვისის“დირექტორი ალეკო ტყემალაძეა, ხოლო პარტნიორები – შპს „ქართული ჰოლდინგი“ (60%) და (ვირჯინიის კუნძლებზე არსებული კომპანია VANITY OVERSEAS LIMITED)  (40%)
 
ის, რომ კომპანია VANITY OVERSEAS LIMITED ივანიშვილის კუთვნილებაა , დასტურდება იმ წერილითაც, რომელიც 2012 წლის 28 ივნისს “ presa.ge” –მ გამოაქვეყნა და რომელშიც ივანიშვილი თავისი კომპანიების ფიქტიურ მფლობელს სთხოვს, კომპანიები შვილზე – უტა ივანიშვილზე გადააფორმოს. „15 ივნისი, 2012 წელი: ბატონ ვასილიადისის საყურადღებოდ: ბიძინა გრიგოლის ძე ივანიშვილისგან, პატივცემულო ბატონო ვასილიადის! გთხოვთ, შემდეგი კომპანიები: TARPAN MANAGEMENT LIMITED, FINSEK LIMITED, SARGANS LIMITED, RINGOLD FINANCE LIMITED, KRISTA INVESTMENT LIMITED, VISALIA ENTERPRISES LIMITED, GILMAR HOLDING LIMITED, FRESNO MANAGEMENT LIMITED, VANITY OVERSEAS LIMITED გადასცეთ ახალ ბენეფიციარ მფლობელს, უტა ივანიშვილს“, – ეს არის ამონარიდი წერილიდან (წყარო: http://presa.ge/new/?m=politics&AID=17310 ). იმაზე, რომ შპს „ავიასერვისის“ 40% ივანიშვილების ოჯახის საკუთრებაა, ისიც მიუთითებს, რომ საჯარო რეესტრის საიტზე მითითებულ ელექტრონულ მისამართში „ქართუ ჯგუფია“ ნახსენები.
 
რა თქმა უნდა, ცხოვრებაში  ყველაფრისთვის უნდა იყოს მზად, მაგრამ  განა რამდენი ვერტმფრენი სჭირდება ერთ კაცს გასაქცევად?
 
 
 
 
 

სიახლეები

ელენე ხოშტარიას 5000 ლარიანი საპატიმრო გირაო შეეფარდა

სასამართლომ ელენე ხოშტარიას 5000 ლარიანი საპატიმრო გირაო შეუფარდა - გადაწყვეტილება რამდენიმე წუთის წინ მოსამართლე...

პროკურატურამ ელენე ხოშტარიას მიმართ 5000 ლარიან საპატიმრო გირაო მოითხოვა

პროკურატურამ ელენე ხოშტარიას მიმართ 5000 ლარიან საპატიმრო გირაო მოითხოვა - ამის შესახებ სასამართლო სხდომაზე...

ცეცხლსასროლი იარაღის უკანონო შენახვა-ტარების ბრალდებით დაკავებულია ზურაბ ზვიადაური

თბილისში დააკავეს ძიუდოში ოლიმპიური ჩემპიონი და "ოცნების" ყოფილი დეპუტატი ზურაბ ზვიადაური. ინფორმაციას ამის შესახებ შსს-ს...

საგამოძიებომ 75 137 ბოთლი კუსტარულად დამზადებული სასმელი ამოიღო – დააკავეს 7 პირი

ფინანსთა სამინისტროს საგამოძიებო სამსახურის ინფორმაციით, შიდა ქართლში ამოღებულია უპრეცედენტო რაოდენობის, 75 137 ბოთლი ალკოჰოლური...