ამერიკული სამხედრო რაკეტმზიდი ხომალდი „ჯონ მაკკეინი“ მალაკის სრუტეში სავაჭრო გემს Alnic MC შეეჯახა. აღნიშნულის შესახებ ინფორმაციას აშშ-ს მეშვიდე ფლოტის სარდლობა ავრცელებს.
გავრცელებული ინფორმაციით, ხომალდი სინგაპურის პორტში მიემართებოდა. წინასწარი ინფორმაციით, ხომალდმა დაზიანება მიიღო კიჩოს ნაწილში.
არსებული ინფორმაციით, ათი მეზღვაური დაკარგულად ითვლება, კიდევ ხუთი კი დაშავებულია. მიმდინარეობს მეზღვაურების ძებნის ოპერაცია, დაზიანებულმა ხომალდმა კი თავისი სვლით გააგრძელა ცურვა პორტისკენ.
ამერიკელი სენატორი ამ სამწუხარო ამბავს თვითერზეგამოეხმაურა: ,,მე და ჩემი მეუღლე ვლოცულობთ ,,ჯონ მაკეინის'' მეზღავაურთა გადარჩენისთვის და მადლიერნი ვართ სამაშველო- საძიებო ეკიპაჟებისა'' წერს იგი
აღნიშნულ შემთხვევას აშშ-ს პრეზიდენტი დონალდ ტრამპიც გამოეხმაურა.
„ჩემი ლოცვით ჩვენს მეზღვაურებთან ერთად ვარ“, – დაწერა „ტვიტერის“ გვერდზე აშშ-ს პრეზიდენტმა
,,მაკკეინი'' არლი ბერკის კლასის ხომალდია, სიგრძით 154 მეტრი, იგი იაპონიაში, იოკოსუკიზეა ბაზირებული. გემი ექსპლუატაციაში 1994 წელს შევიდა, მისი ეკიპაჟი 23 ოფიცრის, 24 სერჟანტისა და 290 სამხედრო მოსამსახურისგან შედგება.
ხომალდს სახელი სენატორ მაკკეინის მამისა და ბაბუას პატივსაცემად ეწოდა, ორივე აშშ სამხედრო-საზღვაო ძალების ადმირალი იყო.
ჯონ (,,სლუ'') სიდნი მაკკეინი, ( 1884 – 1945 წწ) აშშ სამხედრო საზღვაო ძალების ადმირალი. მეორე მსოფლიო ომის წლებში წყნარი ოკეანის კამპანიის ერთერთი უმაღლესი მეთაური. მაკკეინების ოჯახს პატრიარქი
.
ჯონ სიდნი (,, ჯეკი'') მაკკეინ- უმცროსი (1911-1981 წ.წ,) აშს სამხედრო საზღვაო ძალების ადმირალი, მონაწილეობდა 1940 – 1970 წწ პერიოდის შეიარაღებულ კონფლიქტებში, ხელმძღვანელობდა აშშ სამხედრო ძალების წყნარი ოკეანის სარდლობას