BBC-ის ცნობით ბრიტანელმა მოყვარულმა არქეოლოგ -კოლექციონერმა აღმოსავლეთ ინგლისში, VI საუკუნის სამარხში ოქროს გულსაკიდი იპოვა. გულსაკიდზე ბიზანტიის იმპერატორი იუსტინიანეა გამოსახული. როგორც ჩანს, გულსაკიდი დიდგვაროვანი მიცვალებულისთვის სამარხში ჩატანებული საუნჯის ნაწილს წარმოადგენს.
ინგლისელი სიძველეთა მოყვარული უკვე 6 წელია მეტალომძებნელით იკვლევს ძველი სამარხებისა და ნანგრევების ნაშთებს და ლამის არის მთელი ალბიონი გადათხაროს, ადგილობრივ არქეოლოგთა კლუბში მას მეტსახელად ,,ურიცხვი ჟღარუნების მეფეს'' ეძახიან, თუმცა ახალი ნაპოვნი ჩვეულებრივი ჟღარუნა ნამდვილად არ არის, უკვე ცხადია, რომ იგი მნიშვნელოვანი ისტორიული და კულტურული რირებულებისაა და ბრიტანეთის მუზეუმში დაიდებს ბინას.