21 აგვისტოდან რკინიგზის დეპარტამენტის შენობასთან ფართომასშტაბიანი შიმშილობის აქცია დაიწყება.
რკინიგზელთა ახალი პროფკავშირის ხელმძღვანელის, ვიტალი გიორგაძის განცხადებით, რკინიგზის თანამშრომლები მზად არიან შეუერთდნენ ამ დროისთვის მოშიმშილე 8 ადამიანს, თუკი მოშიმშილეების მოთხოვნები არ იქნება დაკმაყოფილებული.
“ჩვენი მოთხოვნებია დაუყოვნებლივ დაბრუნდნენ გათავისუფლებული თანამშრომლები სამსახურში. ასევე, თანამდებობა დატოვონ საქართველოს რკინიგზის საზოგადოებასთან ურთიერთობის სამსახურის უფროსმა დაჩი ცაგურიამ და ინფრასტრუქტურის სამსახურის უფროსმა ვასილ ხორავამ. უკვე შემოგვიერთდნენ სოლიდარობის ნიშნად ბათუმიდან რკინიგზის თანამშრომლები. ორშაბათიდან კი, თუ ჩვენი მოთხოვნები არ იქნება დაკმაყოფილებული, ფართომასშტაბიანი შიმშილობის აქცია გაიმართება”, – განაცხადა გიორგაძემ.
რაც შეეხება საქართველოს რკინიგზის დეპარტამენტის პასუხს, როგორც საქართველოს რკინიგზის საზოგადოებასთან ურთიერთობის სამსახურის უფროსმა დაჩი ცაგურია აცხადებს , რეალურად სახეზე გვაქვს პროფკავშირების თავმჯდომარის პირადი მოტივები და არა რაიმე სახის პრობლემა.
“8 ადამიანი შიმშილობს და აქედან მხოლოდ ერთია რკინიგზის დეპარტამენტის თანამშრომელი. დანარჩენი 7 პროფკავშირების წარმომადგენლები არიან.'' – აცხადებს დაჩი ცაგურია.
,, ვაჩვენებთ, რა მასშტაბებს მიიღებს მოშიმილეთა აქცია'' – ასეთია რკინიგზელთა პასუხი ცაგურიას ცინიკურ განცხადებაზე
