მართლმადიდებელი ეკლესია დღეს ფერისცვალებას აღნიშნავს.
მცხეთის სამთავროს მონასტერში საღვთო ლიტურგია მიმდინარეობს, წირვას საქართველოს კათოლიკოს-პატრიარქი ილია მეორე აღავლენს. წირვის შემდეგ ხილის კურთხევა გაიმართება.
ფერისცვალება უფლის უდიდეს 12 დღესასწაულთაგანია, ამ დღეს უფალმა თაბორის მთაზე 3 მოციქულის – პეტრეს, იაკობისა და იოანეს წინაშე ფერი იცვალა, გაბრწყინდა. მას წმინდა მოსე და ილია წინასწარმეტყველი გამოეცხადა, რომლებიც უფალს იერუსალიმში მის მომავალ ჯვარცმაზე ესაუბრებოდნენ, ზეციდან კი მოციქულებს ხმა მოესმათ: "ეს არის ძე ჩემი საყვარელი, მაგის ისმინეთ!".
ყოველ წელს თაბორის მთაზე ხილული სასწაული დღემდე აღესრულება – მთას ღრუბელი ადგება.
