განათლების სამინისტრო ახალი სასწავლო წლისთვის თამაშების შესაძენად ტენდერს გამოაცხადებს

0
390
განათლებისა და მეცნიერების მინისტრს, ალექსანდრე ჯეჯელავას, სკოლებში ვაშლების დარიგებისა და შრომის გაკვეთილების დაბრუნების გარდა კიდევ ერთი ახალი ინიციატივა აქვს. მინისტრის თქმით, ახალი სასწავლო წლიდან I-VI კლასის მოსწავლეებმა სასკოლო საგნები თამაშებით უნდა შეისწავლონ, თამაშების შესაძენად კი სამინისტრო ტენდერს გამოაცხადებს.განათლებისა და მეცნიერების მინისტრის ინფორმაციით, მის ახალ ინიციატივას თავდაპირველად საპილოტე სახე ექნება და მხოლოდ 20-მდე სკოლას შეეხება.“სამაგიდო თამაშებში შევა ყველანაირი თამაში, დაწყებული ასოებისგან სიტყვების შედგენა, ლიტერატურული ნაწარმოებების შესწავლა და ისტორიული მოვლენების თამაშით სწავლა. თამაშ-თამაშით ისწავლიან მოსწავლეები მათემატიკას, ლიტერატურას და ა.შ ისწავლიან გუნდურობას. ეს თამაშები ასევე ავითარებს სწრაფი აზროვნების უნარს. სამაგიდო თამაშებში არ ვგულისხმობ სპორტულ-განაჯანსაღებელ თამაშებს. ვფიქრობთ, რომ მარტო საშინაო დავალებით ვერ მივაღწევთ განათლების იმ დონეს, რაც გვჭირდება”, – აცხადებს ალექსანდრე ჯეჯელავა.
წინა სტატია9-კლასდამთავრებულებს უმაღლესში სწავლის შესაძლებლობა მიეცემათ – ჯეჯელავას ახალი ინიციატივა
შემდეგი სტატიაგიორგი სიგუა: ,,ბევრისთვის გაურკვეველი და გაუგებარია, რა ხილი იყო ეს ერთთვიანი ფესტივალი, საგამოძიებო სამსახურს კი ჩვენს მიმართ არავითარი პრეტენზია არა აქვს”
ტელეკომპანია ოდიშის საინფორმაციო სამსახური