გამოცემა La Vanguardia-ს ინფორმაციით, ბარსელონას ტერაქტში ერთ-ერთი ეჭვმიტანილი, დევნის ოპერაციის დროს ორმხრივი სროლის შედეგად ლიკვიდირებულია.
მეორე ეჭვმიტანილი, დრის ოუკაბირი კი, საფრანგეტში ქალაქ მარსელში დაბადებულია, თუმცა ის ესპანეტში ბარსელონაში ცხოვრობდა. დრის ოუკაბირი, რომელიც ტერაქტიდან მალევე დააკავეს, ესპანური მედიის ინფორმაცით ადრე პასუხიგებაში იყო მიცემული.
ტერაქტზე ამ დრომდე არც ერთ ტერორისტულ ორგანიზაციას პასუხისმგებლობა არ აუღია.
ბარსელონაში საქართველოს ვიცე კონსულის ლიკა ახალბედაშვილის განცხადებით, ბარსელონაში ტერაქტისას დაშავებულთა და გარდაცვლილთა შორის საქართველოს მოქალაქეები არ არიან. მისი თქმით, ის მუდმივ კონტაქტზე იმყოფება კატალონიის პოლიციასთან. საკონსულო ცხელი ხაზის ნომერს აცხადებს. საქართველოს მოქალაქეებს ნებისმიერი ინფორმაციის მიღება ამ ტელეფონის ნომერზე შეუძლიათ:
+34 687 66 12 74
შეგახსენებთ, რომ ტერაქტი ბარსელონაში რამდენიმე საათის წინ მოხდა. არაოფიცილური ინფორმაციით გარადაცვლილია 13 და დაშავებულია 56 ადამიანი, თუმცა ოფიციალური მონაცემები განსხვავებულია. ესპანეთის პოლიციის ინფორმაციით გარდაცვლილია 1 და დაშავებულია 34 ადამიანი.