ქობულეთში, ზღვაში ახალგაზრდა მამაკაცს ეძებენ. ადგილობრივების თქმით, ის მეგობრებს ტელეფონით ესაუბრებოდა და უთხრა, რომ ზღვაში სიმაღლიდან აპირებდა გადახტომას. მან ის ადგილიც აჩვენა, საიდანაც უნდა გადამხტარიყო. მას შემდეგ კი, რაც წყლიდან არ ამოვიდა, მეგობრები ოჯახის წევრებს დაუკავშირდნენ და მისი სავარაუდო კოორდინატები მიაწოდეს.ადგილზე მაშველებთან ერთად გვიანობამდე მუშაობდნენ ექსპერტ-კრიმინალისტები. ფაქტზე გამოძიება თვითმკვლელობამდე მიყვანის მუხლით დაიწყო.ახალგაზრდა მამაკაცი დასასვენებლად ოჯახთან ერთად რუსეთიდან ჩამოვიდა.