გავრცელებული ინფორმაციით, ოკაცეს კანიონის მიმდებარე ტერიტორიაზე ავტომობილს ცეცხლი გაუჩნდა, ავტომობილში რუსი ტურისტები იმყოფებოდნენ. შსს-ში ფაქტს ადასტურებენ, უწყების ინფორმაციით, ინციდენტის შედეგად არავინ დაშავებულა. მათივე ცნობით, ცეცხლი ავტომობილის სადენებს გაუჩნდა და ამ ეტაპზე ინციდენტი ამოწურულია. ადგილზე მობილიზებული იყვნენ მეხანძრე მაშველები. ”იქიდან გამომდინარე, რომ არავინ იყო მომჩივანი და დაზარალებული, საქმეზე ძიება არ დაწყებულა,” – აცხადებენ შინაგან საქმეთა სამინისტროში. შემთხვევის ამსახველი ფოტოები სოციალურ ქსელში გავრცელდა. ფოტოს ავტორი გურამ შეროზიაა.