,,არ ჩათვალოს ვინმემ, თითქოს სადღაც გავიქეცი ან ვიმალები, სასწრაფოდ შევწყვიტე ვიზიტი და ჩამოვედი” – „ჯემ ფესტის“ დამფუძნებელი გიორგი სიგუა დაკითხვაზე დაიბარეს.

0
396
ფინანსთა სამინისტროს საგამოძიებო სამსახურმა „ჯემ ფესტის“ დამფუძნებელი გიორგი სიგუა დაკითხვაზე დაიბარა. როგორც თავად სიგუა აცხადებს, მზადაა უწყებაში გამოცხადდეს და ყველა კითხვას უპასუხოს. 
 
„წესით და რიგით საქართველოში არ უნდა ჩამოვსულიყავი ასე მალე, მაგრამ როგორც კი გავიგე, რომ ფინანსთა სამინისტროს საგამოძიებო სამსახური ასე ძალიან დაინტერესდა „ჯემ ფესტის“ საქმიანობით, ამოიღეს ჩვენი დოკუმენტაცია, წაიღეს კომპიუტერები ოფისიდან და ა.შ. სწორედ იმისთვის, რომ არ ჩათვალოს ვინმემ, თითქოს სადღაც გავიქეცი ან ვიმალები, სასწრაფოდ შევწყვიტე ვიზიტი და ჩამოვედი. ხვალ მივდივარ დაკითხვაზე, ნებისმიერ კითხვას რომ ვუპასუხო“, – განაცხადა სიგუამ „იმედის“ ეთერში. 
 
მისივე თქმით, ოფისიდან „ყველანაირი დოკუმენტაცია წაიღეს“. „არაფერი დაგვიშლია. ყველაფერი გვაქვს გამჭვირვალედ და ღიად“, – აღნიშნა სიგუამ.
 
დღესფინანსთა სამინისტროს საგამოძიებო სამსახურმა  „ჯემ ფესტთან“ დაკავშირებულ საკითხზე გამოძიების დაწყების შესახებ განცხადება გასაავრცელა.
 
 გამოძიება მიმდინარეობს ფესტივალის ფარგლებში შესაძლო ფინანსური ხასიათის დარღვევებთან დაკავშირებით.
,,ამ ეტაპზე, საქმეზე ტარდება შესაბამისი საგამოძიებო მოქმედებები. კერძოდ, დოკუმენტების ამოღება, ინფორმაციის გამოთხოვა, მოწმეთა გამოკითხვა“, – ნათქვამია საგამოძიებო სამსახურის განცხადებაში.

 
 
წინა სტატიაკიდევ ერთხელ ,,მარსინიას” შესახებ. რადიო ,,ამერიკის ხმა” : საქართველო „ცუანასთან“ სასტიკად მარცხდება
შემდეგი სტატია,,შიო, კოღო, სი ოხერი!” – ეს ძველი ,,საომარი” შეძახილი წელს ნაკლებად აქტუალურია
ტელეკომპანია ოდიშის საინფორმაციო სამსახური