ჟენევის დისკუსიების თანათავმჯდომარის ჰერბერტ ზალბერის საქართველოსა და სამხრეთ კავკასიის საკითხებში ევროკავშირის სპეციალური წარმომადგენლის მიერ თანამდებობის დატოვების ფაქტს, ქართველი პოლიტიკოსები ეხმაურებიან.ოპოზიცია არ გამორიცხავს, რომ სამხრეთ კავკასიაში ევროკავშირის სპეციალური წარმომადგენელის ჰერბერტ ზალბერისთვის მანდატის შეჩერება, მის მიერ საქართველოს ოკუპირებულ რეგიონებში გაკეთებული განცხადებებს მოჰყვა.„განცხადებები, რომელიც ბატონმა ზალბერმა გააკეთა, იყო სრულიად მიუღებელი და ის ყველას მხრიდან იქნა დაგმობილი. სავარაუდოდ, ამ განცხადებებით იქნა გამოწვეული ის, რომ მისი მანდატი იქნა შეჩერებული. მგონია, რომ საგარეო საქმეთა სამინიტრო და ხელისუფლება ზოგადად, ყველგან უნდა აყენებდეს თავის წითელ ხაზებს და ნათელი უნდა იყოს მათ შორის ევროპელი დიპლომატებისთვის, რა არის ჩვენი წითელი ხაზები,“-განაცხადა სერგი კაპანაძემ.„ნაციონალურ მოძრაობაში“ იმედოვნებენ, რომ ჰერბერტ ზალბერის შემცვლელი არ დაუშვებს ისეთ დიპლომატიურ შეცდომებს, რის გამოც ევროკავშირის წარმომადგენლებს ბოდიშის მოხდა მოუწევთ. „მნიშვნელოვანია, რომ ევროკავშირს წარმოადგენდეს ისეთი დიპლომატი განსაკუთრებით ასეთ მნიშვნელოვან მომენტში, რომელიც ასეთ მნიშვნელოვან შეცდომებს არ დაუშვებს და მერე თვითონ ევროკავშირის წარმომადგენლებს სხვადასხვა დონეზე არ მოუხდებათ მობოდიშება,“ – აცხადებს გია ბარამიძე.შეგახსენებთ, რომ გერმანელმა დიპლომატმა ცხინვალის რეგიონში ჩატარებული ე.წ. არჩევნების შემდეგ, ბიბილოვს გამარჯვება მიულოცა.
სამხრეთ კავკასიასა და საქართველოს კრიზისის საკითხებში ევროკავშირის სპეცწარმომადგენლის თანამდებობა ამჟამად ვაკანტურია. მედიის ცნობით, ჰერბერტ ზალბერის შემცვლელის მოსაძებნად ევროპულ სტრუქტურებში უკვე დაწყებულია კონსულტაციები. პროცედურას შესაძლოა 1-დან 3 თვემდე დასჭირდეს.