საქართველოს რკინიგზის თანამშრომლების ერთი ნაწილი მეორე დღეა გაფიცულია და შიმშილობს
რკინიგზელები აპროტესტებენ საქართველოს რკინიგზის დეპარტამენტის გადაწყვეტილებას, რომლის თანახმად ისინი სამუშაოდ გურჯაანიდან მარნეულში გადაიყვანეს, თუმცა, როგორც თანამშრომლები აცხადებენ, მათი ტრანსპორტირების და ცხოვრების ხარჯებს დეპარტამენტი არ უზრუნველყოფს.
როგორც მოშიმშილეები აცხადებენ, მათთან საქართველოს რკინიგზიდან არანაირი კონტაქტი ან მოლაპარაკების მცდელობა არ ყოფილა. შესაბამისად, ისინი შიმშილობის შეწყვეტას არ აპირებენ.
საქართველოს რკინიგზა გაფიცულ თანამშრომლებს სამსახურში დროულად გამოცხადებისკენ მოუწოდებს. რკინიგზაში აცხადებენ, რომ ისინი საცხოვრებელი და სამგზავრო პირობებით უზრუნველყოფილი იქნებიან.
” საქართველოს რკინიგზის საზოგადოებასთან ურთიერთობის დეპარტამენტის ხელმძღვანელმა დაჩი ცაგურიამ განუცხადა, პროცესი ხელოვნურად არის გამწვავებული და ამის სათავეში პროფკავშირები დგანან.
”გაფიცულ თანამშრომლებს მოვუწოდებ დროულად გამოცხადდნენ სამსახურში, რადგან მათ საკმაოდ საპასუხისმგებლო საქმე აკისრიათ. მათ ყველა პირობა შექმნილი აქვთ სამუშაო ადგილზე. პროფკავშირების თავმჯდომარე ირაკლი პეტრიაშვილი ცრუობს როდესაც ამბობს, რომ საცხოვრებელი ადგილი და სამუშაო პირობები არ არის. პროცესი პეტრიაშვილის მიერ არის წახალისებული. ეს ადამიანი არის სააკაშვილის აღმოცენებული არშემდგარი პოლიტიკოსი” – განაცხადა დაჩი ცაგურიამ.