ამ წუთებში გავრცელდა ინფორმაცია, რომ ბათუმში, გენერალ ასლან აბაშიძის ქუჩაზე მდებარე საცხივრებელ სახლებს მოდებული ძლიერი ხანძარი ახლომდებარე კერძო თხევადი გაზის სადგურზე მომხდარმა აირის აფეთქებამ გამოიწვია .
როგორც თვითმხილველები ამბობენ, ხანძრის შედეგად ორი სახლი მთლიანად დაიწვა და დაინგრა, ორი კი – ნაწილობივ. ხანძრის შედეგად დაშავებულია სამი ადამიანი, ერთი შედარებით მსუბუქად, ხოლო ორი ადამიანი, რომლებმაც დამწვრობა მიიღეს საავადმყოფოებშია გადაყვანილი.
ადგილზე იმყოფებიან სახანძრო და სამაშველო ბრიგადები. და მათთან ერთად ექსპერტ-კრიმინალისტები და ადგილობრივები.
მოსახლეობა ბათუმის მერთან, გიორგი ერმაკოვთან შეხვედრას ითხოვს.. ისინი ამბობენ, რომ საამქროში უსაფრთხოების წესები დაცული არ იყო,
მათ ამასთან დაკავშირებით არაერთხელ მიმართეს მერიას მჭიდროდ დასახლებული ქუჩიდან კერძო თხევადი გაზის სადგურის გადატანის მოთხოვნით, მაგრამ უპასუხოდ დარჩნენ.
საამქროს აფეთქების შედეგად დაზარალებულები ხელისუფლებას დახმარებას სთხოვენ.
კერძოდ, მათი თხოვნაა, მოხდეს ზარალის დროული შესწავლა, იქამდე კი ბათუმის მერიამ ისინი საცხოვრებლით უზრუნველყოს.