საბერძნეთში აქამდე ვერ ხერხდება ათენის ჩრდილოეთ-აღმოსავლეთით ქალაქ კალამოსთან სამი დღის წინ გაჩენილი ხანძრის ჩაქრობა. ამ დროისთვის ათეულობით სახლი და ათასობით ჰექტარი ტყეა დამწვარი.
სააგენტო „როიტერსის“ ცნობით, საბერძნეთის მთავრობამ ხანძრის ჩაქრობაში დახმარების გაწევის თხოვნით ევროკავშირს მიმართა.
საბერძნეთის სახანძრო სამსახურის პრესმდივანმა სტავროლა მალირიმ განაცხადა, რომ ხანძრის ჩასაქრობად უფრო მეტი საჰაერო საშუალებაა საჭირო.
„,ხანძარი სწრაფი სიჩქარით ვრცელდება. ხანძრის მასშტაბებისა და ინტენსიურობის გამო საბერძნეთმა საჰაერო საშუალებების მიწოდება მოითხოვა“ – განაცხადა მან.
