GEM FEST 2017-ს სახელმწიფო სტრუქტურებიდან ”ერთი თეთრი არ მიუღია” და ფესტივალთან დაკავშირებით შექმნილ პრობლემებში ტურიზმის ეროვნული ადმინისტრაცია და არაფერ შუაშია. – აცხადებს ფესტივალის ორგანიზატორი გიორგი სიგუა.
მისი თქმით , ,,ბევრი ერთმანეთთან დაუკავშირებელი ამბის ერთმანეთთან დაკავშირება ხდება. სახელმწიფომ სულ რამდენიმე არტისტს გადაუხადა ფული ფესტივალზე გამოსასვლელად და სულ ეს არის, ტურიზმის დეპარტამენტი არაფერ შუაშია. ”.
მისივე თქმით, იგი საქართველოში ორ დღეში დაბრუნდება, რის შემდეგაც პრესკონფერენციას გამართავს.
არაოფიციალური ინფორმაციით, ტურიზმის ეროვნული ადმინისტრაციის ხელმძღვანელი, გიორგი ჩოგოვაძე თანამდებობას ტოვებს, თუმცა აღნიშნული ოფიციალურად ჯერ არ დასტურდება.
გიორგი ჩოგოვაძის მიერ პოსტის დატოვების გადაწყვეტილება სავარაუდოდ, GEM Fest-ს უკავშირდება. ფესტივალი 1 900 000 ლარით ტურიზმის ეროვნულმა ადმინისტრაციამ დააფინანსა.
ფესტივალზე დასაქმებულები კუთვნილი თანხის მიღებას რამდენიმე დღეა ითხოვენ და საპროტესტო აქციებს პერმანენტულად მართავენ. ისინი სამართლებრივი დავის დაწყებას გეგმავენ.