ალექსანდრე ელისაშვილის განცხადებით, წინასაარჩევნოდ ასფალტს ფართხა-ფურთხით "მჭადის ფქვილივით მიაყრიან", რაც ერთი თვის მერე აღარ ივარგებს."არჩევნებამდე 2 თვით ადრე გაახსენდათ, რომ 2 წლის წინ სტიქია იყო და ადამიანები დარჩნენ კომპენსაციის გარეშე. რა თქმა უნდა, მავნე ტრადიციაა წინასაარჩევნოდ რაღაცების ფართხა-ფურთხით შეცვლა და ამ ტრადიციას არავინ ღალატობს. რაც შეეხება ინფრასტრუქტურის მოწესრიგებას და ეზოებში ასფალტის დაგებას, წარმომიდგენია, როგორ მჭადის ფქვილივით მიაყრიან იმ ასფალტს და ნოემბერში უკვე აღარ ივარგებს. ცხადია, ბიუჯეტის გაზრდა დაკავშირებულია არჩევნებთან. წინასაარჩევნოდ ახსენდება ყველას ხალხი", – განაცხადა ალექსანდრე ელისაშვილმა.თბილისის ბიუჯეტი 1 465 200 ლარით გაიზარდა. შესაბამის დადგენილებაში ცვლილება თბილისის საკრებულოს სხდომაზე ხმათა უმრავლესობით მიიღეს. თბილისის ბიუჯეტის გაზრდას მხარი 27-მა დეპუტატმა დაუჭირა. მოწინააღმდეგე კი 8 დეპუტატი იყო. დადგენილებაში ცვლილების განხორციელებამდე საკრებულოში დებატები გაიმართა. საკრებულოს ოპოზიცია მიიჩნევდა, რომ ბიუჯეტის ზრდა წინასაარჩევნო პერიოდს უკავშირდებოდა.