"თბილისში ათიათასობით ადამიანი ყოველდღიურად ელოდება სახელმწიფოს დახმარებას. დღეს არსებობს ძალიან მახინჯი პოლიტიკა სოციალურად დაუცველთა მიმართ – სოციალური აგენტები შეგნებულად უზრდიან ქულებს მოსახლებას და შესაბამისად, მათ აკლდებათ ან უუქმდებათ სახელმწიფოს დახმარება. ეს არ არის აგენტების ბრალი, ეს არის იმ მეთოდოლოგიის ბრალი, რომელიც სახელმწიფომ შეიმუშავა", – განაცხადა თბილისის მერობის კანდიდატმა ზაალ უდუმაშვილმა დღეს გამართულ ბრიფინგზე.
მან გაახმოვანა პარტიის ახალი ინიციატივა, რომლის მიხედვითაც, თბილისში მცხოვრები 170 ათას სოციალურად დაუცველი ადამიანი, რომელთა ქულაც 200 000-ზე ნაკლებია, 50 ლარიანი ვაუჩერი დაურიგდებათ.
ეს იმ შემთხვევაში მოხდება, თუკი უდუმაშვილი თბილისის მერი გახდება.
ზაალ უდუმაშვილმა სიტყვით გამოსვლისას არსებულ პრობლემებზე ისაუბრა და გააცნო დაპირებები, რომელსაც გამარჯვების შემთხვევაში შეასრულებს, მათ შორის უფასო სასადილოებისთვის დაფინანსების და სოციალურ დახმარებების გაზრდა.
ბრიფინგი მიეძღვნა თბილისის საკრებულოში ერთიანი ნაციონალური მოძრაობის სამწლიანი ანგარიშის პრეზენტაციას