თხილის შემდეგ აზიური ფაროსანა სიმინდის კულტურას აზიანებს [ფოტო]

0
570
თხილის მოსავლის შემდეგ აზიური ფაროსანა სიმინდის კულტურას შეესია. ზუგდიდის მუნიციპალიტეტის სოფლებში ამ მხრივ მძიმე სიტუაციაა. ადგილობრივი მოსახლეობა ამბობს, რომ მათი ძირითადი შემოსავლის წყარო თხილი და სიმინდის კულტურაა. 
 
ზუგდიდის მუნიციპალიტეტის სოფელი კახათი ერთ-ერთია იმ სოფლებთაგან, სადაც სიმინდის კულტურას თხილის შემდეგ მავნებელმა მწერმა შეუტია. მოსახლეობა ამბობს, რომ აზიური ფაროსანა კულტურაზე დაახლოებით 15 დღის წინ შენიშნეს. ისინი ამბობენ, რომ თუ დროული რეაგირება არ მოხდა მავლებლების წინააღმდეგ, სიმინდის მოსავალი წელს უვარგისი გახდება. 
 
ფოტო: ოდიშინიუსი
 
„მწერები 15 დღის წინ შევამჩნიეთ. სიმინდი ჩვენი შემოსავლის ძირითადი წყაროა, ამით ვარსებობთ ჩვენ. თხილი რომ არ არის, ეს მაინც ხომ უნდა გვქონდეს რომ ვიარსებოთ. ბევრს არ ვითხოვთ, უნდა შეიწამლოს სიმინდი, რომ რამე საშველი დაადგეს. თხილი საერთოდ არ ვარგა, 50 ც. რომ დაამტვრიო ნაყოფი, ალბათ 3-4 თუ იქნება ვარგისი. იმაზე უარესი ბედი ეწევა სიმინდს როგორც ვატყობთ. სიმინდმა ტარო თუ არ გაიკეთა, ჩალა რად გვინდა მარტო, ხომ გვინდა საჭმელი“ – ამბობს ზუგდიდის მუნიციპალიტეტის სოფელ კახათის მკვიდრი ლამარა ფაჩულია.
 
ფოტო: ოდიშინიუსი
 
ადგილობრივი მოსახლეობის თქმით, ხელისუფლებამ შეწამვლითი სამუშაოები დროზე უნდა დაიწყოს.
 
„მოსახლეობა ამბობს, რომ მთავრობამ მწერების წინააღმდეგ შეწამვლითი სამუშაოები უნდა დაიწყოს, მაგრამ რას გაგვიკეთებენ. აგერ გვყავს გამგებელი, რა გაგვიკეთა?! შეწამლეს თხილი, მაგრამ ისევ ისეთი მდგომარეობაა, არაფრად არ ვარგა" – ამბობს ზუგდიდის მუნიციპალიტეტის სოფელ კახათის მკვიდრი
 
ფოტო: ოდიშინიუსი
 
ზუგდიდის მუნიციპალიტეტის სოფელ კახათის მოსახლეობის თქმით, ყოველი დღე დაგვიანებულია და ხელისუფლებამ დროული რეაგირება თუ არ მოახდინა მავნებლების წინააღმდეგ, სოფლის მოსახლეობა წელს მშიერი დარჩება

წინა სტატია“დედამიწა სულ ცოტა კიდევ 100 წელი შეძლებს არსებობას და ყველაზე ბევრი 500 წელი”- მეცნიერი კაცობრიობის განადგურების დროს ასახელებს
შემდეგი სტატიაბათუმში სატვირთო მატარებელი ქალს დაეჯახა
ტელეკომპანია ოდიშის საინფორმაციო სამსახური