კიმ ჩენ ინმა ამერიკულ სამხედრო ბაზაზე დარტყმის გეგმა გადადო

0
376
ჩრდილოეთ კორეის ლიდერმა კიმ ჩენ ინმა, კუნძულ გუამზე დარტყმა "ცოტა ხნით" გადადო. ამის შესახებ სააგენტო KCNA წერს. "მან თქვა, რომ ამერიკელმა იმპერიალისტებმა თავად დაიწყეს კისერზე ბაწრის შემოხვევა მას შემდეგ რაც კონფონტაციულ შანტაჟზე გადმოვიდნენ. ის ცოტა ხანი ისევ დააკვირდება სულელი იანკების ქცევებს, რომლებიც უაზრობაში კარგავენ თავიანთი საწყალი ცხოვრების ყოველ წამს", – ციტირებს ჩრდილოეთ კორეის ლიდერის სიტყვებს სააგენტო. კიმ ჩენ ინის თქმით, "აშშ-მ უმჯობესია გაარკვიოს კონფლიქტის პლიუსები და მინუსები და მიხვდეს, ვისთვის იქნება ეს სიტუაცია ყველაზე წამგებიანი".აშშ-სა და ჩრდილოეთ კორეას შორის სიტუაცია ბოლოს გაეროს უშიშროების საბჭოს მიერ ახალი სანქციების მიღების შემდეგ გამწვავდა. ფხეიანი ვაშინგტონს დაჰპირდა, რომ კუნძულ გუამზე, სადაც ამერიკელების მნიშვნელოვანი სამხედრო ბაზაა, სარაკეტო იერიშს მიიტანდა. 11 აგვისტოს, დონალდ ტრამპმა Twitter-ზე დაწერა, რომ "ჩრდილოეთ კორეის უგუნური ქმედებების შემთხვევაში" კონფლიქტის სამხედრო გზით გადაწყვეტის სცენარი არსებობს და რომ ამერიკული არმია სრულ მზადყოფნაშია. 
წინა სტატიაბათუმში სატვირთო მატარებელი ქალს დაეჯახა
შემდეგი სტატიაჩინეთში ინტერნეტ-დამოკიდებულთა ბანაკში მოზარდი დაიღუპა
ტელეკომპანია ოდიშის საინფორმაციო სამსახური