ნინო ბურჯანაძის წითელი ,,ბოსონოჟკები”

0
376
აფხაზეთში საომარი მოქმედებების დაწყების 25 წლისთავთან დაკავშირებით, გმირთა მოედანზე დემოკრატიული მოძრაობა – ერთიანი საქართველოს თავმჯდომარე, ნინო ბურჯანაძე, იმყოფებოდა. მან საქართველოს ერთიანობისათვის ბრძოლაში დაღუპული ბიჭების მემორიალი გვირგვინით შეამკო.
 
„პირველ რიგში მინდა, ქედი მოვიხარო ყველა დაღუპულის და მათ ოჯახების წინაშე და მადლობა გადავუხადო ყველას, ვინც თავისი შვილები აღზარდა ისე, რომ ისინი სამშობლოსათვის თავდადებულ გმირებად იქცნენ.
ამავდროულად მინდა, ყველას მოვუწოდო, ყველაფერი უნდა გადაიდოს გვერდით და ყველაფერი უნდა გაკეთდეს იმისათვის, რომ არასოდეს მსგავსი ტრაგედია არ განმეორდეს და ჩვენ ყველაფერი უნდა გავაკეთოთ იმისათვის, შევასრულოთ ის ოცნება, რისთვისაც ეს ბიჭები იბრძოდნენ. გაერთიანდეს ეს ქვეყანა,“ – განაცხადა ნინო ბურჯანაძემ.
 
რას ნიშნავს ეს ,,ყველაფერი უნდა გაკეთდეს''  ნინო ბურჯანაძეს არ დაუკონკრეტებია, მაგრამ ამის აუცილებლობაც არ არის.  
 ინფორმაცია იმის შესახებ, თუ   რა ეცვა ამჯერად ფეხზე ნინო ბურჯანაძეს, არ ვრცელდება და არც ამის საჭიროება არსებობს. – დიდი ხანია არავის ებადება კითხვა, რა აცვია მას მკაცრად შავი ფეხსაცმლის ქვეშ – ეკლიან გზაზე მავალი ერის წინამძღოლის  წითელი მესტები თუ  მოსკოვის ნაბოძვარი წითელი  ,,ბოსონოჟკები''.
 
 
 
 
 
წინა სტატია„ჯემ ფესტზე“ დასაქმებულები ანაზღაურების მიღების მოთხოვნით აქციას მართავენ და ფესტივალის შესასვლელთან ხალხს არ უშვებენ [Video]
შემდეგი სტატიაზაალ უდუმაშვილი: ,,ქართველებსა და აფხაზებს, ქართველებსა და ოსებს მშვიდობიანი თანაცხოვრების ალტერნატივა არ გააჩნიათ”
ტელეკომპანია ოდიშის საინფორმაციო სამსახური