ხურჩაში, იქ სადაც რამდენიმე თვის წინ რუსმა ოკუპანტებმა "საზღვარი" მონიშნეს, გუშინ უკვე მავთულხლართებიც გააბეს. საუბარია 2 ჰექტარ მიწაზე, რომელიც ოკუპანტებმა მიითვისეს და საზღვარიც გააბეს.ინფორმაცია ჟურნალისტებს სოფლის რწმუნებულმა დაუდასტურა.
ბადრი ხუნჯგურუას ინფორმაციით, რუსმა სამხედროებმა რამდენიმე თვის წინ ამავე ადგილას ბოძები ჩაარჭეს, გუშინ კი მავთულხლართები გააბეს."რამდენიმე თვის წინ, ხის ბოძები ჩასვეს, შემდეგ ცოტა ხანი არაფერი მომხდარა. იყო მწვავე რეაქციები ჩვენი ხელისუფლების მხრიდან. გუშინ კი გავიგეთ, რომ მავთულხლართები გააბეს. ფაქტიურად რუსებმა დაასრულეს ბორდერიზაცია", – განაცხადა რწმუნებულმა.