„ნიპუოსტის“ ექსკლუზიური ინფორმაციით, „თავისუფალი დემოკრატებისა“ და „რესპუბლიკელების“ ბლოკი დაშლილია. მეტიც, „თავისუფალი დემოკრატები“ თვითმმართველობის არჩევნებს ეთიშებიან.როგორც „ნიუპოსტმა“ გაარკვია, „თავისუფალ დემოკრატებს საქართველოს ცენტრალურ საარჩევნო კომისიაში განაცხადი არჩევნებში მონაწილეობის შესახებ არ შეუტანიათ.„ნიუპოსტი“ პარტიის ლიდერ შალვა შავგულიძეს დაუკავშირდა, რომელმაც ეს ინფორმაცია არც უარყო და არც დაადასტურა.„ამის თაობაზე ჩვენ ჩამოვყალიბდებით და სავარაუდოდ ხვალ გავაკეთებთ განცხადებას“ – აღნიშნა შავგულიძემ.თავისუფალი დემოკრატებისა და რესპუბლიკური პარტიის გაერთიანების შესახებ განცხადება მიმდინარე წლის მაისში შალვა შავგულიძემ და ხათუნა სამნიძემ გააკეთეს. მაშინ პარტიის ლიდერები აცხადებდნენ, რომ არჩევნებზე მათ ეყოლებოდათ საერთო კანდიდატები და საერთო სია. "ნიუპოსტი" ადრეც წერდა, რომ პარტიის წარმომადგენლები აქტიურ კონსულტაციებს მართვავდნენ საკრებულოს დამოუკიდებელ დეპუტატ ალეკო ელისაშვილთან, რომ ელისაშვილი მათი მერობის კანდიდატი ყოფილიყო, რაზეც როგორც სჩანს შეთანხმებას ვერ მიაღწიეს.ელისაშვილმა მალევე თქვა, რომ ის არჩევნებში დამოუკიდებლად მიიღებდა მონაწილეობას.
წყარო: ნიუპოსტი