თბილისში, დღეს გამთენიას მკვლელობა მოხდა.

 

სამართალდამცველებმა სავარაუდო მკვლელი  ვ.ლ.  ცხელ კვალზე დააკავეს. პოლიციამ დანაშაულის ჩადენის იარაღი – დანა ნივთმტკიცებად ამოიღო.

 

”გამოძიებამ დაადგინა, რომ ბრალდებულმა მიმდინარე წლის 10 აგვისტოს, გამთენიისას, გლდანში,  საკუთარ საცხოვრებელ ბინაში, ურთიერთშელაპარაკების ნიადაგზე სტუმრად მყოფ თავის სტუმარს – 1967 წელს დაბადებულ გ.პ.-ს ცივი იარაღის გამოყენებით გულის არეში სასიკვდილო ჭრილობა მიაყენა, რის შედეგად იგი შემთხვევის ადგილზე გარდაიცვალა”, – განმარტავენ შსს-ში.

 

ბრალდებული ჩადენილ დანაშაულს აღიარებს. დაკავებულს წარდგენილი აქვს  განზრახ მკვლელობის ბრალდება. გამოძიება  მიმდინარეობს (საქართველოს სსკ-ს 108-ე მუხლით).