დღეს საქართველოს ორი რეგიონის გუბერნატორმა გააკეთა განცხადება თანამდებობიდან წასვლის შესახებ.
გურიის გუბერნატორი გია სალუქვაძე, რომელიც ამ პოსტზე 2015 წლის მაისში დაინიშნა, აცხადებს რომ თანამდებობას მომავალ კვირაში დატოვებს.
”სხვა სამსახურში გადავდივარ. თვითმმართველობის არჩევნების ოთხ წლიანი ციკლი დასრულდა. ახალი გამგებლები, ახალი გუბერნატორები უნდა მოვიდნენ, მე ასე ვთვლი. ვთვლი, რომ ჩემი მისია ამ ეტაპზე ამოვწურე” – აღნიშნა გია სალუქვაძემ.
იგი ჯერჯერობით არ საუბრობს, თუ სად გააგრძელებს საქმიანობას, თუმცაამბობს, რომ რამდენიმე შემოთავაზება აქვს.
გადადგა რაჭა-ლეჩხუმ-ქვემო სვანეთის გუბერნატორი პაპუნა მარგველიძეც, რომელიც ამ პოსტს პოსტს 2013 წლიდან იკავებდა. მუშაობას ფინანსთა სამინისტროს შემოსავლების სამსახურის უფროსის მრჩევლად გავაგრძელებ – აცხადებს იგი.