ბატონმა აიარა და ჩაიარა, ბაჩილა კი ისევ გზაზეა დაჩოქილი, ახლა უკვე დაპირებული წყალობის მოლოდინში

0
433
რუსეთი მომავალშიც აპირებს აფხაზეთის უსაფრთხოებისა და დამოუკიდებლობის საიმედო გარანტი იყოს, – ამის შესახებ რუსეთის პრეზიდენტმა ოკუპირებულ აფხაზეთში სტუმრობისას განაცხადა.
 
„გვაქვს სასაუბრო თემები, რაზეც უნდა ვისაუბროთ, მაგრამ უმთავრესი იმაში მდგომარეობს, რომ ჩვენ გვაქვს აფხაზეთთან განსაკუთრებული ურთიერთობა. ჩვენ საიმედო გარანტიას ვაძლევთ აფხაზეთის უსაფრთხოებას და დამოუკიდებლობას. დარწმუნებული ვარ, მომავალშიც ასე იქნება“, – აღნიშნა პუტინმა.
 
მისი თქმით, აუცილებელია აფხაზეთის ეკონომიკის განვითარების ოპტიმალური გზების პოვნა ახალი სამუშაო ადგილების და საგადასახადო ბაზის შესაქმნელად. მანვე აღნიშნა, რომ 2017-19 წლებში რუსეთი განაგრძობს აფხაზეთის დახმარებას და საინვესტიციო პროგრამა 6 მილიარდ რუბლს შეადგენს.
მისი თქმით, თავის მხრივ, ოკუპირებული რესპუბლიკის ხელმძღვანელობა თანმიმდევრულ ნაბიჯებს დგამს აფხაზეთის საერთაშორისო-სამართლებრივი სტატუსის განსამტკიცებლად. პუტინის განცხადებით, დღვანდელ შეხვედრაზე ყურადღება დაეთმო საკითხს, რომელიც აფხაზეთის თანამედროვე სახელმწიფოდ გახდომას გულისხმობს ეფექტური და თვითკმარი ეკონომიკით. მისივე თქმით, იანვარ-მარტში ურთიერთსავაჭრო ბრუნვა 6,5 %-ით გაიზარდა
წინა სტატია,,მაინცდამაინც ეკა ბესელია უნდა ვიყო, რომ კანონი ჩემთვისაც კანონობდეს?” – წერდა დღეს ბათუმში აღმჩენილი ორი გარდაცვლილი ახალგაზრდიდან ერთერთი
შემდეგი სტატიაუბედური შემთხვევა წალენჯიხაში- 30 წლამდე მამაკაცს ხე დაეცა
ტელეკომპანია ოდიშის საინფორმაციო სამსახური