ტროპიკულმა შტორმმა "ნორუმ" იაპონიის ცენტრალურ რეგიონებს გადაუარა. კუნძულ სიკოკუდან 300 ათასი ადამიანის  ევაკუაცია განხორციელდა, არის დაუდასტურებელი ცნობები ორი ადამიანის დაღუპვის შესახებ.  

ძლიერი ქარისა და წვიმის გამო კ 250-ზე მეტი ავიარეისი გაუქმდა. მოსახლეობის მნიშვნელოვანი ნაწილი ელექტროენერგიის გარეშე დარჩა. 

 

იაპონიის ხელისუფლება მეტეოროლოგების ინფორმაციაზე დაყრდნობით რამდენიმე დღეა აფრთხილებდა  მოსახლეობას, რომ ტაიფუნის უმაღლესი  აქტიურობა 7- 8 აგვიტოს იყო მოსალოდნელი და ადგილობრივებსა და დამსვენებლებს ურჩევდნენ, არ გასულიყვნენ პლაჟებზე და განსაკუთრებით გარიდებოდნენ მაშველების თვალს მიფარებულ ადგილებს –  ნორუს მძვინვარების დროს ტალღების სიმაღლე 7-8 მეტრს აღწევს.

 

საბედნიეროდ,  დღეს ცუდი სცენარი არ შედგა, მსხვერპლი და ზარალი არის, მაგრამ არა ისეთი, როგორიც შეიძლება ყოფილიყო.

 

შტორმი რეგიონის თავზე ორი კვირის წინ ჩამოყალიბდა. მისი დაბადება  კოსმოსიდან დაფიქსირდა და მას შემდეგ ინტენსიური მეთვალყურეობის ქვეშაა..

 

ნასას ცენტრში ხუმრობენ, რომ  მიუხედავად ახალგაზრდული ასაკისა, ნორუმ უკვე საინტერესო ცხოვრებით იცხოვრა – თანამგზავრიდან მიხებულ ფოტოებზე ჩანს, რომ იგი წყნარ ოკეანეში მეორე ტაიფუნს შეხვდა და ,,ეცეკვა''.

 

ტაიფუნების ცეკვა იშვიათი მოვლენაა და იგი ფუძივარას ეფექტის სახელითაა ცნობილი, დაწყვილების დროს ორი ტაიფუნის მოძრაობა  უზარმაზარი სპინერის ბრუნვას  მიაგავს. 

 

ამაზე უკვე   იაპონიაშიც ხუმრობენ , რადგან საშიშროება, რომელსაც საზოგადოდ  ტაიფუნის ძნელადპროგნოზირებადი ხასიათი ქმნის, გადავლილია – ნორუ ცეკვაში დასუსტდა და ისეთი სიმძლავრით ვერ  შეეხალა იაპონიის ნაპირებს.