ხობის ღვთისმშობლის მიძინების დედათა მონასტერში აწყურისა და ივერიის ყოვლადწმინდა ღვთისმშობლის ხატები დააბრძანეს.
ხატები ტაძარში 13აგვისტომდე დარჩება და მრევლს ერთი კვირის განმავლობაში ექნება მოლოცვის საშუალება.
აწყურისა და ივერიის ყოვლადწმინდა ღვთისმშობლის ხატების საქართველოს რეგიონების ტაძრებში მოგზაურობა სრულიად საქართველოს კათოლიკოს-პატრიარქ ილია მეორის ლოცვა-კურთხევით, 28 მაისიდან დაიწყო და ერთ წელიწადსა და ოთხ თვეს გასტანს.
აღნიშნული ღონისძიება რამდენიმე საიუბილეო თარიღს უკავშირდება: საქართველოს ეკლესიის ავტოკეფალიის აღდგენის 100 წლისთავს, საქართველოს კათალიკოს-პატრიარქის აღსაყდრებიდან 40 და დაბადებიდან 80 წლისთავს.