როდესაც საქმე გვაქვს ამხელა ღონისძიებასთან, შეუძლებელია გააკონტროლო, ვის რა აქვს ჩაყლაპული და რა აქვს ჯიბეში. ჩვენ ვსაუბრობთ ერთთვიან კურორტზე, რომელსაც 32 დღის განმავლობაში 10 000 ვიზიტორი ყავს და ამდენ ხალხში ნარკოტიკიც ექნება ვიღაცას ჯიბეში, ვიღაც შებოლილი თევზითაც მოვა, ვიღაც გადაყლაპულიც შემოვა და ა.შ . არც ნარკორეალიზატორები და არც ნარკომომხმარებლები მე არ მითანხმებენ, საიდან შემოდის ნარკოტიკები” – განაცხადა GEM FEST-ის ორგანიზატორმა გიორგი სიგუამ ჟურნალისტებთან საუბრისას.
მისი თქმით, ბრალდება, რომ ფესტივალის ორგანიზატორები ნარკორეალიზატორებს მფარველობენ, არასწორი და აბსურდულია. სიგუას განცხადებით,
ნარკოტიკების გავრცელებაზე პასუხისმგებელია ის ხალხი, ვინც ავრცელებს და იმ ადამიანების პირადი პასუხისმგებლობაა, ვინც ამ ნარკოტიკებს ღებულობს, –
გიორგი სიგუა აღნიშნავს, რომ შს სამინისტრომ განსაკუთრებით დიდი ოდენობი ნარკოტიკული საშუალების შეძენა-შენახვის ბრალდებით ტერიტორიაზე უკვე 10-მდე ადამიანი დააკავა. მაშინ ლოგიკურად ჩნდება კითხვა, თუ რატომ იჭერენ ამ ადამიანებს, თუ კი, მფარველობა ხდება. საშინელი აბსურდია, რომ ჩვენ ვიღაცას ვმფარველობდეთ, ამაზრზენია.
“ადამიანები, რომლებიც ცდილობენ, რომ ამ ადამიანების ტრაგედიაზე, ცუდად გახდომაზე, მოითბონ ხელი, დაიწერონ ქულები, გამოჩდნენ და მოიპოვონ საეთერო დრო, რბილად რომ ვთქვათ, ცუდად იქცევიან. მეც შემიძლია იგივე ორგანიზაციები დავადანაშაულო, ენას ძვალი არ აქვს და რაც უნდათ ის იძახონ.
პირადად მე, გიორგი სიგუას, ამ ყველაფრის მერე არც მეფესტივალება და არც გართობა მინდა. იმის მაგივრად, რომ მე თქვენ გესაუბროთ გართობაზე, მიწევს იმის თქმა, რომ არ ვარ ნარკობარონი და რომ არავისთან ვარ შეკრული.''