პოლონეთში ყოფნა უფრო სწორია უკრაინასთან მიმართებაში, ვიდრე აშშ-ში კომფორტულ პირობებში დარჩენა. აღნიშნულის შესახებ საქართველოს ყოფილმა პრეზიდენტმა მიხეილ სააკაშვილმა გადაცემა FACE2FACE-სთვის მიცემულ ინტერვიუში განაცხადა.
„მე ახლა მეგობრულ პოლონეთში ვიმყოფები. მე აქ დამპატიჟეს რამდენიმე ღონისძიებაზე, რომელიც ვარშავის აჯანყებას უკავშირდება, პოლონეთის ისტორიის გმირულ ეპიზოდს“, – აღნიშნა სააკაშვილმა.
მისი თქმით, მიუხედავად იმისა, რომ უკრაინის მოქალაქეობა ჩამოართვეს, აშშ-დან პოლონეთში გამგზავრების პრობლემა არ ჰქონია.
,,ვარშავაში ვარ, პოლონეთის სეიმის დეპუტატებთან ერთად ვარშავის აჯანყების 73-ე წლისთავი აღვნიშნეთ, შეხვედრაზე უკრაინის თემის საბჭოს მიმართვაც გადმომცეს. წერს მიხეილ სააკაშვილი პირად ფეისბუქგვერდზე .
პოლონეთის მმართველი პარტიის დეპუტატმა მალგოჟატა გოშევსკაიამ განაცხადა, რომ სააკაშვილი პოლონეთში ვიზიტით იმყოფება.
.