ავღანეთის ყანდაღარის პროვინციაში საერთაშორისო ძალებზე თავდასხმა მოხდა. ამის შესახებ ინფორმაცია 2 აგვისტოს გავრცელდა. თვითმკვლელმა ტერორისტმა დანაღმული მანქანა ნატოს სამხედრო კოლონის მახლობლად ააფეთქა. თავდასხმის შედეგად დაიღუპა ასევე 2 ამერიკელი ჯარისკაცი. არიან დაშავებულები. მომხდარი დაგმო ნატოს გენერალურმა მდივანმა იენს სტოლტენბერგმა.
ნატოს სამხედრო კოლონაზე თავდასხმა მოხდა ქაბულშიც, რომელიც ასევე თვითმკვლელმა ტერორისტმა განახორციელა. შედეგად საერთაშორისო კოალიციის წევრი ერთი ჯარისკაცი და სულ მცირე 3 მშვიდობიანი მოსახლე დაიღუპა, 5 ადამიანი დაშავდა.
თავდასხმაზე პასუხისმგებლობა ამ დრომდე არავის აუღია, თუმცა ადგილობრივი ხელისუფლება თვლის, რომ ტერაქტები თალიბანმა განახორციელა.