აგვისტოს ცხელი დღეები. რამდენად არის დაცული სასურსათო პროდუქტების შენახვის წესები ზუგდიდის ბაზარში?

0
418
დასავლეთ საქართველოში ჰაერის ტემპერატურა დაახლოებით ორი კვირაა მაღალ ნიშნულზეა.  ტემპერატურის მატების ფონზე მწვავედ დგას მალფუჭებადი პროდუქტების  სათანადოდ შენახვისა და  დაცულობის  საკითხი როგორც ყველგან, ისე ზუგდიდის ცენტრალურ სუპერმარკეტშიც.
როგორც ადგილზე გაირკვა, სასურსათო პროდუქტები ბაზარში ძირითადად დახლებიდან იყიდება, მაცივრის გარეშე, რაც ეწინააღმდეგება სურსათის უვნებლობის დადგენილ  ნორმებსა და სტანდარტებს.
 
მოვაჭრეების განმარტებით, ბაზარში მომხარებლების რაოდენობა შემცირებულია, ამიტომაც იძულებული არიან, გასაყიდი საქონელი მომხარებლისთვის უფრო თვალსაჩინო ადგილას განათავსონ.
,, მომხმარებლის რაოდენობა ისედაც შემცირებულია, არავინ არაფერს  ყიდულობს  სანამ ხელით არ მოსინჯავენ, თორემ მაცივარშიც მაქვს. რა თქმა უნდა, არ შეიძლება მაცივრის გარეშე, მაგრამ “.,
,,ზემოდან  დაიწყონ მოწესრიგება და მერე ჩვენც მოვწესრიგდებით, ხელისუფლება მხოლოდ საკუთარი ჯიბეების გასქელებით არის დაკავებული და ჩვენ, დაბალ ფენას გვავიწროვებს“ – აცხადებენ მოვაჭრეები.
 
 
ბაზარში მალფუჭებადი პროდუქტების შენახვის წესების დარღვევის გარდა, მომხმარებლებმაც  და იქ  მომუშავეებმაც პრეტენზიები ბაზარში არსებულ ანტისანიტარიასა და უპატრონო ძაღლების მომრავლებაზე გამოთქვეს.
 
 ,,სხვა გამოსავალი არ გვაქვს, თორემ  ამ პერიოდში ნამდვილად არ არის შესაძენი პროდუქცია, რომელიც მაცივრის გარეშე იყიდება, ის ვერ   იქნება ვარგისიანი“- აცხადებს ერთ-ერთი მომხმარებელი.
 
როგორც სურსათის ევროვნულ სააგენტოში აცხადებენ, ადგილებზე, მათ შორის ზუგდიდშიც  არ ჰყავთ იმდენი ჯგუფი, რომ ბაზარში ყოველდღიური მონიტორინგი განახორციელონ    და არსებული მდგომარეობა გააკონტროლონ.

სინოპტიკოსების პროგნოზით,   ტემპერატურის დაწევა აგვისტოს ბოლომდე არ არის მოსალოდნელი.

წინა სტატიაავღანეთში 25 წლის ქართველი სერჟანტი დაიღუპა
შემდეგი სტატიაგიორგი მარგველაშვილი სამძიმარს უცხადებს ავღანეთში დაღუპული ქართველი სამხედროს ოჯახს
ტელეკომპანია ოდიშის საინფორმაციო სამსახური