ზუგდიდის მუნიციპალიტეტის სოფელი შამგონაში და  სენაკის მუნიციპალიტეტის სოფლების: შუა ნოსირში, თეკლათში, საგვარამიოში, ახალსოფელის და ნოსირში, ასევე  გეჯეთაში, ძველი სენაკში,  ზედა სორტას და ქვედა სორტაში და საქართველოს  კიდევ 15 მუნიციპალიტეტის სოფლებში ( ჯამში – 74) მცხოვრები ოჯახების გაზიფიცირებისათვის სახელმწიფო ბიუჯეტიდან 27 მლნ ლარი გამოიყოფა.

 

დღეს გამართულ საქართველოს მთავრობის სხდომაზე  მოწონებული იქნა საქართველოს მთავრობის განკარგულების პროექტი, რომლის მიხედვითაც, 55 სოფელში განხორციელდება გაზიფიცირებისთვის საჭირო სრული სამუშაოები, ხოლო 19 სოფელში გაზიფიცირებისთვის საჭირო საპროექტო სამუშაოები.. 

ამ , სამუშაოების შედეგად საქართველოში დამატებით 17,833 ოჯახი შეძლებს ისარგებლოს ბუნებრივი აირით.

სოფლების გაზიფიცირებისათვის საჭირო საპროექტო-სამშენებლო სამუშაოებს შპს „საქართველოს გაზის ტრანსპორტირების კომპანია“ განახორციელებს.

 

,,2013-2017 წლებში, საქართველოს მასშტაბით, გაზიფიცირდა 200 ათასზე მეტი აბონენტი. ასევე, 2014-2015 წლებში ბუნებრივი აირის ქსელში ჩაერთო ოკუპირებული ტერიტორიების გამყოფ ხაზთან მდებარე 58 სოფლის 13,459 ოჯახი. გაზიფიცირების სამუშაოებზე განხორციელებულმა ინვესტიციამ 253 მლნ აშშ დოლარი შეადგინა“, – აღნიშნულია საქართველოს ენერგეტიკის სამინისტროს მიერ გავრცელებულ ინფორმაციაში.