„ქართულმა ოცნებამ” კონსენსუსი მოკლა”- თინათინ ბოკუჩავა კონსულტაციების გაგრძელების აუცილებლობაზე საუბრობს

0
410
კოალიცია „დაიცავი კონსტიტუცია“ დღესს აკონსტიტუციო ცვლილებებთან დაკავშირებით საკონსულტაციო შეხვედრას მართავს.
 
კოალიციაში მიაჩნიათ, რომ  პოლიტიკურ ძალებს შორის კონსენსუსის მიღწევისათვის აუცილებელია  კონსულტაციები გაგრძელდეს –  განსაკუთრებით მნიშვნელოვანია ოპოზიციის ერთიანი პოზიცია. მათი აზრით, გარკვეულ დათმობებზე ხელისუფლებაც უნდა წავიდეს. 
 
„„ქართულმა ოცნებამ'' სწორედ კონსენსუსი მოკლა, როცა  არ გაითვალისწინა არც ოპოზიციისა და პრეზიდენტის და არც ვენეციის კომისიის თვალსაზრისი – აცხადებს პარლამენტის ფრაქცია ”ნაციონალური მოძრაობის” მდივანი, თინათინ ბოკუჩავა – უნდა შევთანხმდეთ ფორმატში, რომელიც ითვალისწინებს საქართველოს მოსახლეობის ინტერესების დაცვას , რომ კონსტიტუცია მართლაც  კონსენსუსსზე დაფუძნებული დოკუმენტი იყოს''.
 
პოლიტიკური პლატფორმა ”ახალი საქართველოს” თავმჯდომარე, გიორგი ვაშაძე ფიქრობს, რომ ვენეციის კომისიამ უპრეცედენტო გადაწყვეტილება მიიღო, რადგან საქართველოს ოპოზიციასა და ხელისუფლებას შორის მედიატორის როლის შესრულებას აპირებს.
 
„ეს არის სილის გაწნა „ქართული ოცნებისთვის“. ოპოზიციის ერთიანი პოზიცია არის გადამწყვეტი, რომელიც ჩვენ ამ ბრძოლაში გაგვამარჯვებინებს,“ – განაცხადა გიორგი ვაშაძემ.
წინა სტატიამეტრო ,,სამას არაგველთან” ახალგაზრდა მამაკაცი გარდაიცვალა. სასწრაფო გამოძახებიდან 40 წუთის შემდეგ მოვიდა- ამბობენ თვითმხილველები
შემდეგი სტატიაგიორგი მარგველაშვილი: ამერიკის მხრიდან რუსეთის შეკავების მტკიცე პოლიტიკა სასარგებლო იქნება, როგორც საქართველოსა და უკრაინისთვის, ასევე მთელი ევროპისთვის ”
ტელეკომპანია ოდიშის საინფორმაციო სამსახური