ამერიკაში დარჩენის განზრახვა არასოდეს მქონია და არც ახლა ვაპირებ. მე მიყვარს ეს ქვეყანა და აქ თავს თითქმის სახლში ვგრძნობ, მაგრამ ჩემი სახლი საქართველო და უკრაინაა- განაცხადა საქართველოს ყოფილმა პრეზიდენტმა ”ამერიკის ხმის” ქართულ რედაქციასთან ინტერვიუში
როგორც მიხეილ სააკაშვილმა განაცხადა ,ამერიკის შეერთებულ შტატებში სამუშაო ვიზა აქვს. სამუშაო ვიზას ვადა მომდევნო წლის განმავლობაში გასდის.
”ლეგალური ვიზა მაქვს, სამუშაო ვიზა. ვადა, მგონი, მომდევნო წლის განმავლობაში გასდის. ვაშინგტონში რომ ვმუშაობდი დიდი ხნის წინ, მაშინ ავიღე'', – განაცხადა სააკაშვილმა. – რაც შეეხება ე.წ. მწვანე ბარათს, შემეძლო მისი აღება, შემომთავაზეს, მაგრამ მე არ მინდოდა. ასევე მაქვს ტურისტული ვიზაც.