ვინ გვეხმიანება პაპუა ახალი გვინეადან და ვინ ცდილობს მოგვპაროს ტელეფონში სიმწრით ჩარიცხული ფული?

0
416

სატელეფონო კოდი 675 +. პაპუა ახალ გვინეას ეკუთვნის და თუ  ამ კოდით იწყება ნომერი უცნობი აბონენტისა, რომელიც  მხოლოდ ზარს უშვებს და პასუხს არ ელოდება, იცოდეთ, რომ საერთაშორისო თაღლითია და ცდილობს ტელეფონში სიმწრით ჩარიცხული ფული  მოგპაროთ. დაიმახსოვრეთ ნომრები +675 7089 4040; +675 7089 4035; +675 7089 4025 და ნუ გადაურეკავთ მათ. 
 
თუ ეს შეცდომა უკვე დაუშვით მსგავსი შემოტევების ორი დღის მანძილზე, შეგიძლიათ თავი ინუგეშოთ იმით, რომ საქართველო  საერთაშორისო  ასპარეზზე  თაღლითების ინტერესის საგანიც  კი  გახდა – იგი  უკვე იმ ქვეყნების რიცხვში შევიდა, სადაც თაღლითები  ფულს შოულობენ  (თავად ჩვენ არ დაგვადგა საშველი თორემ ) 
 
ინტერნეტ სივრცეში ყველა ამ საეჭვო ტელეფონის ნომრებთან დაკავშირებით გაფრთხილებები ვრცელდება. საუბარია საერთაშორისო თაღლითური სქემაზე, რომლითაც ფულს მსოფლიოს სხვადასხვა ქვეყნების აბონენტებს პარავენ. 
 
ქართული მობილური ოპერატორები ირწმუნებიან, რომ საქართველოში დაზარალებულების რაოდენობა დიდი არ არის, რადგან მათთვის ამ თაღლითური სქემის შესახებ ცნობილია და ყველა ასეთი საეჭვო ნომერი დაბლოკილი აქვთ.  
 
ძნელია  გადაამოწმო, რამდენად არის დაბლოკილი ყველა ნომერი, რადგან  მარტო ზუგდიდში ასობით ადამიანი ლაპარაკობს, რომ ამგვარი ნომრებიდან დაურეკეს, მაგრამ რაღაც იეჭვა და   მხოლოდ საკუთარი გამჭრიახობის წყალობით დააღწია თავი თაღლითების საცეცებს. 
 
 მსგავსი თაღლითური შემოტევა ქართველ აბონენტებზე პაპუა ახალი გვინეადან რამდენიმე თვის წინაც მოხდა და მობილური ოპერატორები ამას არც სამომავლოდ გამორიცხავენ.
წინა სტატიაცუკერბერგის ახალი მესინჯერი ბავშვებს უცნობებთან სახიფათო კონტაქტებისგან დაიცავს
შემდეგი სტატიამაიკ პენსი: აშშ მხარს უჭერს საქართველოს ტერიტორიუულ მთლიანობას იმ დღიდან, როცა რუსულმა ტანკებმა საქართველოს ტერიტორიის ოკუპაცია განახორციელეს
ტელეკომპანია ოდიშის საინფორმაციო სამსახური