„საქართველო გახდება სატრანსპორტო დერეფანი, რაც შექმნის დამატებით სამუშაო ადგილებს და სარგებელს მოუტანს ქვეყნის ეკონომიკას. ჩვენთვის კი ეს ახალი პროექტია. გვსურს გავხდეთ ამ საზოგადოების და ქვეყნის ნაწილი.'' – განაცხადა ამერიკული კომპანია "SSA Marine"-ს დირექტორმა, რობერტ უოტერსმა დღეს, როცა ხელი მოეწერა ანაკლიის პორტის კონსორციუმს, ურთიერთშეთანხმების მემორანდუმს ქართულ და ამერიკულ მხარეს შორის .
რობერტ უოტერსი ხაზგასმით აღნიშნავს, რომ ასეთი გადაწყვეტილებები არ მიიღება მარტივად, ,, უნდა გამართლდეს გარკვეული მოლოდინები. პირველ რიგში, ეს არის ძალიან კარგი ბიზნესშესაძლებლობა კომერციული თვალსაზრისით, მეორე ეს ძლიერი და ერთგული პარტნიორობის შეძენაა და მესამე – ეს ხელისუფლების მხარდაჭერაა''
”ანაკლიის განვითარების კონსორციუმის” სამეთვალყურეო საბჭოს თავმჯდომარის, მამუკა ხაზარაძის თქმით, პროექტის ფინანსური დახურვა შემოდგომით მოხდება, წლის ბოლოს კი მშენებლობა დაიწყება. ''
ამრიგად, საქართველო გახდება სატრანსპორტო დერეფანი. ხელისუფლება ზეიმობს. იდეის ავტორი კი ,,ვენოკებისა და ნაჩოს პალტოსთვის'' იდევნება