მოქალაქეები, რომლებიც თბილისის საერთაშორისო აეროპორტში აშშ-ის ვიცე პრეზიდენტის დასახვედრად მივიდნენ, უსაფრთხოების ზომებიდან გამომდინარე აეროპორტის ტერიტორიიდან გაიყვანეს. ეს ამერიკული მხარის მოთხოვნით მოხდა.
როგორც მოქალაქეები აცხადებდნენ, ვიცე პრეზიდენტის ვიზიტი არის საქართველოსთვის უმნიშვნელოვანესი და სწორედ ამას უკავშირდება აეროპორტში მათი მისვლა.
მცირე ხნის შემდეგ, როგორც ჟურნალისტებს სახელმწიფო დაცვის სპეციალური სამსახურის ხელმძღვანელმა, ანზორ ჩუბინიძემ განუცხადა, უსაფრთხოებასთან დაკავშირებით ყველა კითხვა მოიხსნა და, შესაბამისად, ხალხს ტერიტორიაზე დარუნებისა და ვიცე პრეზიდენტის მისალმების შესაძლებლობა მიეცა. ამის შემდეგ იგი მან
აეროპორტის ტერიტორიიდან ესკორტით გავიდა.
,, ეს იყო ტექნიკური საკითხი. ამერიკული მხარე თვლიდა, რომ ხალხი მეტად ახლოს იქნებოდა ვიცე პრეზიდენტთან და შესაძლებელია ადგილი ჰქონოდა რაიმე ექსცესს, თუმცა ჩვენ დავარწმუნეთ ისინი უსაფრთხოებაში და წამოვიდნენ დათმობაზე, რომ ხალხი მიესალმებოდა ვიცე პრეზიდენტს”, – განაცხადა ანზორ ჩუბინიძემ.
