შავი ზღვის სანაპიროზე 4-ბალიანი შტორმია. აღნიშნული განპირობებულია დასავლეთ საქართველოში გრილი მასების შემოსვლით.
შედეგად, საქართველოში ჰაერის ტემპერატურა რამდენიმე გრადუსით დაიკლებს.
სამაშველო სამსახურის თანამშრომლები დამსვენებელს ხმის გამაძლიერებლებით სხვადასხვა ენაზე მოუწოდებენ, ზღვაში შესვლისგან თავი შეიკავონ, რადგან ღელვის სიმძლავრე, შესაძლებელია მოულოდნელად გაიზარდოს.
მაშველები ჩვეულ რეჟიმში მუშაობენ, სანაპიროზე აღმართულია წითელი ალმები
. გაფრთხილების მიუხედავად, სანაპიროზე ამ დროისთვის მაინც შეიმჩნევა დამსვენებელთა სიმრავლე.მაშველებმა ზღვიდან დღეს 43 ადამიანი გამოიყვანეს.