ფაიფურის დასახლებაში დევნილებმა საპროტესტო აქცია გამართეს. აქციის მონაწილეები საცხოვრებელი პირობების გაუმჯობესებას ითხოვენ. მათი თქმით, წვიამიან ამინდში აქ წყალი ჩამოდის და ცხოვრება შეუძლებელია, მცირეწლოვან ბავშვებთან ერთად მცხოვრები დევნილები ხელახალი კომისიის შექმნას და ადგილობრივი ხელისუფლებისგან დახმარებას ითხოვენ. „აქ ცხოვრება გაუსაძლისია, ყოველდღე უარესი სიტუაცია გვაქვს და არავინ ჩვენი პატრონი არ არის, მოგვხედოს მთავრობამ და გადაგვიყვანონ აქედან“- აცხადებენ დევნილები. დევნილთა საპროტესტო აქციას ერთიანი ნაციონალური მოძრაობის ზუგდიდის ორგანიზაციაც შეუერთდა და დევნილებს მხარდაჭერა გამოუცხადა. საპროტესტო აქცია დევნილებმა ქალაქ ზუგდიდის მაჟორიტარი დეპუტატის მიერ ანგარიშის წარდგენის პარალელურად გაიმართა.