ამერიკის ვიცე-პრეზიდენტი მაიკ პენსი დღეს საქართველოს ოპოზიციური პარტიების წარმომადგენლებს შეხვდება.

0
391
ამერიკის ვიცე-პრეზიდენტი მაიკ პენსი დღეს საქართველოს ოპოზიციური პარტიების წარმომადგენლებს შეხვდება.
 
საპარლამენტო უმცირესობის წევრები აცხადებენ, რომ შეხვედრაზე მთავარი თემა იქნება სტრატეგიული პარტნიორობა, რომელიც საქართველოსა და აშშ-ს შორის არსებობს.
 
პარლამენტის ფრაქცია ნაციონალური მოძრაობის თავმჯდომარის მოადგილე, სალომე სამადაშვილი, აცხადებს, რომ აშშ-ის ვიცე-პრეზიდენტთან ასევე საუბარი იქნება ქვეყანაში არსებულ სიტუაციაზე. კერძოდ, მისი თქმით, არაფორმალურ მმართველობაზე და კონსტიტუციაში ცვლილებების შეტანის პროცესზე. ქვეყანაში ოლიგარქიული მმართველობის სისტემაა შექმნილი და საქართველოს კონსტიტუციაში ცვლილებები სწორედ ამ რეჟიმის შენარჩუნებისთვის ხორციელდება.
 
„საუბარი იქნება იმაზე, რომ ოპოზიციურ, პროდასავლურ პოლიტიკურ ძალებს ისევე, როგორც დამოუკიდებელ მასმედიას, ხელისუფლება სერიოზულ პრობლემებს უქმნის, მათ შორის იქნება საუბარი პოლიტიკურ დევნილებზე, იმ ხალხზე, ვინც პოლიტიკური ნიშნით ჰყავს დღეს ხელისუფლებას. ოლიგარქიული მმართველები რეგიონში, ყოფილ საბჭოთა სივრცეში, ერთსა და იმავე ხერხებს მიმართავენ, რათა განდევნონ პოლიტიკური სივრციდან ოპოზიცია და ყველაზე გავლენიანი ოპოზიციური მოთამაშეები. მას შემდეგ, რაც განიდევნა მიხეილ სააკაშვილი საქართველოს პოლიტიკური სივრციდან და დღეს ვხედავთ, რომ იმავე ხერხებს მიმართავს უკრაინის ხელისუფლებაც,“ – განაცხადა სალომე სამადაშვილმა.
წინა სტატიაშავი ზღვის სანაპიროზე საშტორმო სიტუაცია აღარ არის, შესაბამისად, ბანაობაც დაშვებულია
შემდეგი სტატიავაშინგტონი რუსეთიდან დიპლომატების გაძევებას სათანადო ზომებით პასუხობს
ტელეკომპანია ოდიშის საინფორმაციო სამსახური