რუსეთის პრეზიდენტმა ვლადიმერ პუტინმა შეიწყალა 2015 წელს სახელმწიფო ღალატში ბრალდებული მარინა ჯანჯღავა და ანიკ კესიანიანი , რომელთაც რუსეთ-საქართველოს ომამდე საქართველოში ახლობლებს მოკლე ტექსტური შეტყობინებით აცნობეს, საქართველოს საზღვრის მიმართულებით რუსული სამხედრო ტექნიკის გადაადგილების შესახებ.
ორივე შეწყალებული ციხეს 10 დღის ვადაში დატოვებს.
მარინა ჯანჯღავას 12 წლით თავისუფლების აღკვეთა ჰქონდა მისჯილი, ანიკ კესიანს – 8. ეს უკანასკნელი 2014 წელს დააკავეს. 2015 წელს მას 8 წლიანი პატიმრობა შეეფარდა.
რუსეთში აღნიშნულ საქმეზე სულ ექვსი ქალი დააკავეს, ერთერთიი მათგანი ოქსანა სევასტიდი, რომელიც 2013 წელს დააკავეს და ახლახან, მარტში გაათავისუფლეს. მასაც რუსეთის მართლმსაჯულება სახელმწიფოს ღალატში ადანაშაულებდა იმის საფუძველზე, რომ თავის ქართველ მეგობარს მისწერა, რომ სოჭში სამხედრო ტექნიკით დატვირთული მატარებელი ნახა, რომელიც აფხაზეთისკენ მიემართებოდა.
შეწყალებულთა შორის არ არის ინგა თუთისანი, იგი პატიმრობაში რჩება.
ასევე „სახელმწიფო საიდუმლოს გახმაურების” ბრალდებით.მოხვდა კრასნოდარის იზოლატორში ეკატერინე ხარებავა, რომელიც სოჭის ბაზარში მოვაჭრედ მუშაობდა. 2008 წელს, 5-დღიან ომამდე ცოტა ხნით ადრე მან შენიშნა, როგორ გადაადგილდებოდა სოჭიდან საქართველოს მიმართულებით რუსული სამხედრო ტექნიკის კოლონებიდა ქართველ ნაცნობს შეატყობინა. მის წინააღმდეგ საქმე ეფ-ეს-ბემ ხუთი წლის შემდეგ აღძრა. კრასნოდარის მხარის სასამართლომ მას 6 წლით თავისუფლების აღკვეთა მიუსაჯა.