მთავარისიახლეებისაზოგადოებაეკატერინბურგში მიმავალი თბილისელი მექორწილეები სარატოვთან ახლოს ავარიაში მოყვნენ

ეკატერინბურგში მიმავალი თბილისელი მექორწილეები სარატოვთან ახლოს ავარიაში მოყვნენ

Published on

 დღეს გამთენიისას, ადგილობრივი დროით 05:05 საათზე თბილისიდან ეკატერინბურგისკენ  (ყოფილი სვერდლოვსკი)  ქორწილში მიმავალ ავტობუსს სარატოვთან ახლოს ავარია შეემთხვა.
 
რუსული მედიის ინფორმაციით, "მერსედესის" მარკის ავტობუსს " სარატოვის მისადგომებთან ავტობუსის სავალ გზაზე დიდი სიჩქარით შემოიჭრა  ,,ლადა კალინა". ავტობუსის მძღოლის მცდელობამ თავიდან აეცილებინა შეჯახება შედეგი ვერ გამოიღო –  ,,ლადა კალინა'' სრულიად განადგრებულია, ხოლო ავტობუსი გზიდან გადავარდა და ამოტრიალდა. 
 
 
 
ავარიის შედეგად "ლადას" 24 წლის მძღოლი გარდაიცვალა, ავტობუსში მსხდომი  36 მგზავრიდან  ათი ადამიანი კი დაშავდა. დაშავებულთა შორის ბავშვები არ არიან. ერთერთი დაშავებული ავტობუსის  მძღოლია, მას ორივე ფეხის მოტეხილობა აქვს და ჰოსპიტალიზებულია. საავადმყოფოშიდარჩება კიდე სამი მგზავრი, სამს კი უკვე ჩაუტარდა სამედიცინო დახმარება და გზას სხვა მგზავრებთან ერთად გააგრძელებს. 
 
დამსხვრეული ავტობუსის მფლობელი, რომელიც ასევე  მგზავრებს შორის იყო, ახლო  რაიონებში მცხოვრებ  ნაცნობ ქართვლებს დაუკავშირდა, ისინი დაუყოვნებლივ მივიდნენ შემთხვევის ადგილზე და  მგზავრები ორი ავტობუსით   გაამგზავრეს ნოვობურასკის რაიონში, საიდანაც  გზას ეკატერინბურგისკენ გააგრელებენ. 
 
,,საღამოსთვის კიდევ ერთი ავტობუსი მოვა, რომელიც ყველას ეკატერინბურგში გადაიყვანს", – განაცხადა სარატოვის ოლქში ხელისუფლების წარმომადგენლის მოადგილემ   ალექსანდრ ბურენინმა.
 

 

 

 

 

სიახლეები

რუსთაველი გადაიკეტა, თბილისსა და სხვა ქალაქებში საპროტესტო მსვლელობებია

თბილისსა და საქართველოს სხვა ქალაქებში საპროტესტო მსვლელობები ტარდება ირაკლი კობახიძის მხრიდან გაკეთებული მავნებლური განცხადებიდან...

ვოლოდიმირ ზელენსკის ბრძანებით, ანდრეი ერმაკი თანამდებობიდან გათავისუფლებულია

უკრაინის პრეზიდენტის ადმინისტრაციის უფროსის თანამდებობა ვაკანტურია - ვოლოდიმირ ზელენსკიმ ბრძანება გამოსცა ანდრეი ერმაკის თანამდებობიდან...

სტენერგარდი-შვედეთი თავისუფალი და დემოკრატიული საქართველოს მხარდაჭერას კვლავ განაგრძობს

უკანასკნელი ერთი წლის განმავლობაში მამაცი ქართველები ყოველდღიურად თავიანთი გამოხატვის თავისუფლების უფლებით სარგებლობენ და მშვიდობიან...

ევროპის 17 ქვეყანაში დღეს ქართველი ემიგრანტების აქციები გაიმართება

ბერლინი, პარიზი, ლონდონი, ჟენევა, რომი, ვენა, სტოკჰოლმი - ევროპის 17 ქვეყანაში დღეს ქართველი ემიგრანტების...