ჩამოართმევენ თუ არა დავით საყვარელიძეს უკრაინის მოქალაქეობას?

0
400
 სააკაშვილის შემდეგ უკრაინის მოქალაქეობა შესალოა უკრაინის გენერალური პროკურორის ყოფილი მოადგილეს დავით საყვარელიძესაც გაუუქმონ – ამის შესახებ  თავად მან განაცხადა უკრაინული ინტერნეტგამოცემა „24news.com.ua“-სთვის მიცემულ ინტერვიუში.
 
ჟურნალისტის კითხვაზე, ეშინია თუ არა, რომ მოქალაქეობას მასაც ჩამოართმევენ, საყვარელიძე პასუხობს, რომ პოლიტიკოსს არაფრის უნდა ეშინოდეს.
„არ გამოვრიცხავ, რომ მიხეილ სააკაშვილის შემდეგ, ჩემთვისაც ეცდებიან მოქალაქეობის ჩამორთმევას, მაგრამ ჩვენ მარტონი არ ვართ – ჩვენს უკან სერიოზული პოლიტიკური სექტორი დგას. პოროშენკოსთვის ეს ცეცხლთან თამაში იქნება“, – განაცხადა საყვარელიძემ.
 
იგი ამ საკმაოდ ვრცელ ინტერვიუში საუბრობს უკრაინაში არსებულ რთულ ვითარებაზე და  ხალხის განწყობაზე სააკაშვილის დაბრუნების საკითხის მიმართ. 
 
„უკრაინაში რთული ვითარებაა, კორუფცია მძვინვარებს და ჯერჯერობით ქვეყანას კარგი არაფერი ელოდება. აი, რატომ დაბრუნდება სააკაშვილი აუცილებლად უკრაინაში და შეებრძოლება ხელისუფლებას. ჩვენ ამისთვის მზად ვართ“, – ამბობს საყვარელიძე.
 
სააკაშვილი უნდა დაბრუნდეს და ბოლომდე უნდა მიიყვანოს საქმე – ასეთია ხალხის განწყობაც. 
კითხვაზე, ფიქრობს თუ არა, რომ პოროშენკომ შესაძლოა თავის გადაწყვეტილებას გადახედოს, საყვარელიძე პასუხობს, რომ ყველაფერია შესაძლებელი, რადგან საქმე აქვთ არაადეკვატურ და მშიშარა ხელისუფლებასთან.
 
წინა სტატიათურქეთში სამი ქართველი დააკავეს ბინების ძარცვის ბრალდებით
შემდეგი სტატიასააკაშვილი: ორი სამშობლოს წინასწარმეტყველი
ტელეკომპანია ოდიშის საინფორმაციო სამსახური