დღეს უკრაინელ პილოტებს, რომლებმაც შტორმისა და სეტყვის შედეგად დაზიანებული თვითმფრინავი ავარიულად დასვეს, თურქეთის ხელისუფლებამ სამთავრობო ჯიდოები გადასცა . ისინი ორი დღეა მსოფლიო მედიის ყურადღების ცენტრში არიან 

 

მგზავრებით სავსე  უკრაინული Airbus A320, რომელიც რეისს სტამბოლიდან ხარკოვის მიმართულებით ასრულებდა, სტამბოლიდან აფრენიდან რამდენიმე წუთში შტორმში მოჰყვა, ლაინერი 1200 მეტრის სიმაღლეზე იყო, როდესაც ის სეტყვამ დააზიანა.

 

თვითმფრინავის წინა ნაწილი და საქარე მინა იმდენად დაზიანდა, რომ პილოტებს უკან დაბრუნება და კვლავ ათა – თურქის აეროპორტში ლაინერის დასმა ბრმად მოუხდათ. დისპეჩერებს წარმატებული დაშვების იმედი არ ჰქონდათ, რის გამოც ასაფრენ ბილიკთან სამაშველო სამსახურებიც იყო მობილიზებული, თუმცა ავარიული დაშვების შედეგად ბორტზე მყოფი 127-ვე ადამიანი უვნებელი გადარჩა.

 

ინცინდენტი 27 ივლისს მოხდა, იმ დღეს სეტყვამ ოთხი თვითმფრინავი დააზიანა.