სასამართლოს გადაწყვეტილებით ანი მურადელის მიმართ სისხლის სამართლის საქმე შეწყდა

0
426
თბილისის საქალაქო სასამართლომ დააკმაყოფილა პროკურატურის შუამდგომლობა ანი მურადელის მიმართ სისხლის სამართლის საქმის შეწყვეტის თაობაზე. 
 
მთავარი პროკურატურის ინფორმაციით, ჩატარებული ექსპერტიზის თანახმად, ბრალდებული,  ზაქარია ფალიაშვილის სახელობის ოპერისა და ბალეტის თეატრის ბალერინა ანი მურადელი მკვლელობის მომენტში შეურაცხადი იყო. –  ბრალდებულის ვიზუალური და ფსიქოლოგიური მდგომარეობა ბადებდა ეჭვს მისი შერაცხადობის თაობაზე, რაზეც დაინიშნა ფსიქიატრიული ექსპერტიზა. ამ დასკვნის საფუზველზე  ანი მურადელის მიმართ სისხლის სამართლებრივი დევნა შეწყდა და ის მკურნალობას ხონში, ფსიქიკური ჯანმრთელობის ეროვნული ცენტრში გააგრძელებს. 
 
ანი მურადელის ადვოკატის განცხადებით, ამ ეტაპზე სტაციონარულ მკურნალობაზეა გადაყვანილი. მისივე თქმით, მკურნალობის ხანგრძლივობა დამოკიდებულია მის შედეგებზე და აღნიშნულთან დაკავშირებით გადაწყვეტილებას სპეციალური კომისია მიიღებს.
 
ანი მურადელი სამართალდამცველებმა 21 მაისს დედის მკლველობის ბრალდებით სისხლის სამართლის კოდექსის 108-ე მუხლის საფუძველზე დააკავეს.
წინა სტატიადღეს მესტიაში: ფესტივალი “სვანეთობა 2017”
შემდეგი სტატია57 თეთრი – 1 კუბმეტრ გაზზე. ,,იძულებული ვიქნებით გამოვრთოთ, რადგან გაზრდილ გადასახადს ვერ გავუძლებთ”
ტელეკომპანია ოდიშის საინფორმაციო სამსახური