მიხეილ სააკაშვილმა „კურიერის“ პირდაპირ ეთერში საუბრისას განაცხადა, რომ არ აპირებს რომელიმე ქვეყანას თხოვოს მოქალაქეობა ან პოლიტიკური დევნილის სტატუსი. მისი თქმით, ის არის უკრაინის მოქალაქე და მისთვის მოქალაქეობის ჩამორთმევით პეტრო პოროშენკომ უკრაინის კონსტიტუცია დაარღვია.
„პოროშენკომ საკუთარი ხელით გამოიჭრა ყელი, იმიტომ, რომ მთავარი ოპონენტის ქვეყნიდან გაგდება და მსგავსი რაღაცები ცუდად მთავრდება“.
პოროშენკოს ქმედება იყო დამფრთხალი, შეშინებული ადამიანის უკანონო ქმედება – მან დაარღვია უკრაინის კონსტიტუცია, მან დაარღვია უკრაინის საერთაშორისო ვალდებულებები. მე ვარ უკრაინის მოქალაქე, მიუხედავად იმისა, რა დაჯღაპნეს იქ,. ასე ფიქრობს უკრაინის მოქალაქეთა უმეტესობა. უკანონო აქტებს ჩვენ არ ვაღიარებთ, ისევე როგორც ბევრი ქვეყანა მათ არ აღიარებს,“ – განაცხადა პრეზიდენტმა
მიხეილ სააკაშვილის თქმით, შემოდგომაზე ის და მისი გუნდი უკრაინაში დიდ მობილიზებას აპირებენ. მისი განცხადებით, ბრძოლა გრძელდება და უკრაინაში ხელისუფლებას შეცვლიან.
„შემოდგომაზე ვაპირებთ დიდ მობილიზაციას უკრაინაში, კონკრეტული გაწერილი გეგმებით და ამის ორგანიზებაში აქტიურად ვარ ჩართული. ჩვენ გავივლით ყველა სამართლებრივ ინსტანციას, ამაზე უკრაინელი იურისტები მუშაობენ და უცხოელი იურისტებიც გვეხმარებიან.