ორშაბათიდან დასავლეთ საქართველოში გრილი მასების შემოსვლის შედეგად, საქართველოში ჰაერის ტემპერატურა რამდენიმე გრადუსით დაიკლებს, თუმცა მთელი კვირა ძირითადად მზიანი ამინდია მოსალოდნელი, აღმოსავლეთში დღისით ჰაერის მაქსიმალური ტემპერატურა 33-36 გრადუსამდე იქნება.
გარემოს ეროვნული სააგენტოს მოკლევადიანი პროგნოზების სამმართველოს ინფორმაციით დღეს ღამით დასავლეთ საქართველოს უმეტეს, ხოლო აღმოსავლეთ საქართველოს ზოგიერთ რაიონში მოსალოდნელია ხანმოკლე წვიმა ელჭექით. ზოგან წვიმა შესაძლოა ხვალ დღისითაც იყოს.
ხვალ დასავლეთ საქართველოში დღისით ჰაერის მაქსიმალური ტემპერატურა 24-29 გრადუსი იქნება. აღმოსავლეთ საქართველოში 33-36 გრადუსამდე.